ئه‌رێ ئه‌م د به‌رهه‌ڤین ببیته ده‌وله‌ت؟
د دیرۆكا كوردان دا چو جاره‌كێ دۆزا كوردی نێزیكی مافێن خوه نه‌بوویه و ب تایبه‌ت ده‌وله‌تبوونێ هندی نوكه و بوویه به‌حس و خه‌به‌ره‌كی سه‌ركێ ل هه‌می دونیایێ و به‌رده‌وام راپۆرت و ڤه‌كۆلین ل سه‌ر دئێنه دروستكرن! و هه‌كه ئه‌م ل مێژوویێ بزڤرین دۆزا كوردی چه‌ندین قووناغ بڕینه هه‌ر ژ ده‌مێ میرنشینان هه‌تا كۆمارا مهاباد و حوكمێ زاتی و هه‌تا سه‌رهلدانا سالا 1991 هه‌تا گه‌هشتیه سالا 2003 و روخیانا رژێما به‌عس و پاشی چه‌سپاندنا فیدرالیێ ددستوورێ عیراقێدا ل سالا 2005! كوردان ئه‌ڤ قووناغه هه‌می ب شۆره‌ش و قوربانیدانێ برینه هه‌تا گه‌هشتیه ئه‌ڤرۆ و دونیا هه‌می ب دۆزا كوردی باخفیت و پشته‌ڤان بیت كو بگه‌هیته مافێن خوه! به‌لێ ئه‌م كورد د ئاماده‌ینه ببینه ده‌وله‌ت؟ دیسا د مێژوویێ زڤرین و بێژین دوژمنێن كوردان ب هه‌می ره‌نگان هاتینه كو ڤێ نه‌ته‌وێ ژ ناڤببه‌ن به‌لێ نه‌شیاینه! به‌لێ ب تنێ شیان ب رێیا دروستكرنا حزبان و له‌ت له‌تكرنا پارتێن كوردی شیان زیانن مه‌زن بگه‌هینه دۆزا كوردی و بوونه ئه‌گه‌ر كورد بخو شه‌ڕێ ئێكودو بكه‌ن و خیانه‌تا نه‌ته‌وه‌یی ل ئێك و دو بكه‌ن و ملله‌ته‌ك كره قوربان ب تنێ دا ئارمانجا دوژمنان بجه بینیت!! و پشتی چه‌ندین كێشان ل گه‌ل به‌غدا كو شیعه سه‌ركرداتیا عیراقێ دكه‌ن و د شه‌ریعه‌تێ شیعاندا چه‌ندین فه‌رمۆده و سه‌رهاتی هه‌نه دژی كوردان و شیعان باوه‌ریه‌كا موكم یا پێ هه‌یی و دبێژێن ئیمام مه‌هدی ب تنی بو كورد عیراقێ د ده‌ركه‌فیت و ژ ناڤبه‌ت چونكی كورد بووینه ئه‌گه‌ر دو جاران شیعه ژ ناڤ برینه ئێك ده‌می ده‌وله‌تا فاتمی ل مسرێ ژناڤبری و یا دی ل شه‌ڕێ چالدیران شیعه شكاندن و ب ڤی ره‌نگی و هزركرنا شیعا چو جاران ناهێلێن كورد بگه‌هنه مافێن خوه ئه‌ڤه ژ لایه‌كیفه ژ لایێ دیڤه سه‌رهلدانا داعش ل ده‌ڤه‌رێن سونه‌نشێن كو با راپتر یا سه‌ركردێن وان كه‌ڤنه به‌عسینه و كورد تووشی شه‌رٍه‌كی كرن كو ب چ ره‌نگان خوه بۆ حازرنه‌كربوو و هۆسا دیار دبیت شه‌ڕێ كوردان دگه‌ل سونان ب تنێ شه‌ڕێ نه‌ته‌وه‌ییه به‌لێ دگه‌ل شیعان شه‌ڕه‌كێ نه‌ته‌وه‌یی و تایفی یه!! ئه‌ڤجا چاوا دێ ئه‌ڤ لایه‌نه هۆسا ب ساناهی هێلێن كورد ببنه ده‌وله‌ت؟! سه‌ره‌رایی كو كوردان بۆ چه‌ندین سالان خوه برێڤه بریه و ژێرخانا ده‌وله‌تبوونێ ب هه‌می ره‌نگ و ئالیانڤه ئاڤاكریه و كورد د به‌رهه‌ڤێن بۆ راگه‌هاندنا ده‌وله‌تێ، به‌لێ دۆزا كوردی دو كێشێن سه‌ره‌كی یێن هه‌ین!! ئێك كێشه‌كا ناڤخوه‌یه كو زۆر حزب و لایه‌ن هه‌نه ب ئاشكرایی دژی راگه‌هاندنا ده‌وله‌تا كوردی كاردكه‌ن وه‌كی پارتی كرێكارانی كوردستان و ب تایبه‌ت هه‌كه ل سه‌ر ده‌ستێ پارتی ئه‌ڤ چه‌نده بهێته‌كرن!! و هنده‌ك لایه‌ن هه‌نه ب دزیفه دژی راگه‌هندنا ده‌وله‌تا كوردی كاردكه‌ن و ل راگه‌هاندنێ پشته‌ڤانێن ڤێ چه‌ندنێ وه‌كی ئێكه‌تیێ دیسا ئه‌و ژی ژبه‌ر دژایتكرنا وێ بۆ پارتی نه‌ك ژ به‌ر چ تشتان! و هۆسا دیاردبیت هنده‌ك پارت هاتینه چێكرن بۆ ژناڤبرنا دۆزا كوری ب رێیا دژایتكرنا پارتی!! و دیسا نه‌به‌رهه‌ڤبوونا خه‌لكی بۆ ڤی پرۆژێ هنده مه‌زن كو بشێت خوه‌راگر بیت ل به‌رامبه‌ر قه‌یرانان چونكی قه‌یران یان د ملله‌تا به‌ر ب سه‌ركه‌فتنێن مه‌زن به‌ت هه‌كه یێ خوه‌راگر بیت ئان د ژ ناڤچیت هه‌كه ئه‌و بخوه سه‌ره‌رایی قه‌یرانا كێشان دروستكه‌ت! ئه‌ڤه ژ لایێ ناڤخوه‌ڤه ژ لایێ ده‌ره‌كی ڤه به‌رژه‌وه‌ندیا ده‌وله‌تێن زلهێز هۆسا دخوازن كو دیسا كورد سه‌ركێشیا شه‌ڕێ چالدیرانا دووێ بكه‌ن بۆ ژ ناڤبرنا ده‌ستهه‌لاتا شیعێ ل ده‌ڤه‌را رۆژهه‌لاتا ناڤین و پاشی ببنه ده‌وله‌ت داكو ببنه ناڤبر بۆ رۆژئاڤا و ئیرانێ و زۆرا دوور نینه پشتی شه‌ڕێ داعشێ ئه‌ڤ شه‌ڕه بهێته‌كرن چونكی زۆریا بنگِه‌هێن سه‌ربازی یێن ئه‌مریكا و رۆژئاڤا ل هه‌رێمێ نه بۆ شه‌ڕێ داعشن به‌لكو حازریه بۆ شه‌رێ چالدیرانا دووێ ئه‌ڤجا مه كوردان هه‌تا چ راده خوه به‌رهه‌ڤكریه بۆ ڤێ چه‌ندێ كو ب كێمترین زیان ژ ڤان شه‌ڕان ده‌ربكه‌ڤین؟
