ئهرێ ئهم ژى دێ بینه بریتانى؟
ههر مللهتهكى حهزا سهرخوهبوونێ یا ههى، ئهڤجا چ سهرخوهبوون دووماهى هاتن بیت ژ بن دهستیهكا زۆرداران، یان ژى سهرخوهبوون و جودابوون ژ ئێكهتیهكێ و رێكخراوهكێ بیت، ههروهكو مه دیتی بهری نها بریتانیا خوه ژ ئێكهتیا ئورۆپا جوداكرى، لێ دا پرسیار بكهین ئهم ژى دێ سهرخوه بین؟ ئهگهر ببیته دهمێ سهرخوهبوون و جودابوونێ دێ ئهم ژى بینه بریتانى؟ ئهرێ بریتانیا چ وێرهكى ههبوو تاكو خوه ژ ئێكهتیا ئهدورۆپا جودا بكهت؟ یان ژى دێ مه وێرهكا بریتانیا ههبیت؟
یا خویایه ئهو سهردهمه دێ ب سهرمه دا ژى هێت كو ئهم ژى ببینه بهریتانى لێ ئهرێ ئهم كورد دێ ب چ ههست بهرهڤ سهرخوهبوونێ ڤه چین؟ چونكه ئهو سهرخوهبوونا نها بریتانیا بدهستڤه ئیناى یا جودایه ژ وێ سهرخوهبوونێ چونكى سهرێ چهندین سالانه بریتانیا وهلاتهكێ سهربخۆ و وهك وهلاتهك سهرهدهرى بهرامبهر دهێته كرن و د ههیاما بۆری دا وهلاتیێن وى وهلاتى بهرهڤ سندۆوقێن ههلبژارتنان ڤه چوون و نێزیكى 49% وهلاتیان دهنگێ خوه ل سهر وێ ئێكێ دابوو، كو ئهو وهلاته سهربهخو نهبیت و ئهو ژى مافهكێ وان یێ رهوایه لێ دا ل ڤێره پرسیار بكهین ئهرێ ئهگهر وهلاتیێن مه یێن كورد و كوردستانێ وهك وان وهلاتیێن بریتانیا دهنگی بۆ سهربخۆبوونێ نهدهن دێ چ جوداهى ههبیت؟ خویا و بهرچاڤه ب چ رهنگان سهربخۆبوونا مه وهك بریتانیا نابیت، چونكی سهرێ چهندین سالانه ئهم یێن د بن دهست و زۆلمێ دا دژین و نها ئهگهر رۆژا ریفراندۆما مه نێزیك ببیت دڤێت ئهم چركهیان بهژمێرین و وهك ئهڤیندار دبێژن جهرگ سۆتى بین بۆ وێ ریفراندۆمێ چونكی ئهگهر ئهم كورد نها و د ڤان كاودانان دا بهرههڤ نهبیت بۆ ریفراندۆمێ بلا ئێدى بهحسێ ئازادیێ نهكهین و بهحسێ وێ چهندێ ژى نهكهین كو ئهم خوه دلسۆز و شهرهفمهندێن وهلاتى دبینین، خوزیا وى كوردى ئهوێ نها دگهل وان سهركردێن كورد ئهوێن بزاڤێ دكهن كوردستانا من بگههیننه سهربخوبوونێ خوزیا وى تاكهكهسى ئهوێن دگهل وان سهركردهیان بزاڤا كوردینیێ دكهن چونكی ب تنێ ئهو كوردن ب تنێ خوینا كوردینیێ د ناڤ لهشێ وان دا ههیه، لهورا هیڤیا وێ چهندێ نه ل دهمهكێ نێزیك خوینا كوردینیێ د ناڤ ههمى لایهنێن كوردان دا دیار ببیت و پارزینكێ گهنگهشێ و ئالۆزیان ژ ملێ خوه ڤهكهن.
