ئهرێ كى محافزێ دهۆكێ یه؟
چهكدار جهمال ئهترووشى
ئهڤه بۆ دهمێ نێزیك پێنچ سالانه پارێزگهها دهۆكێ پترى چار محافزان یێن ههین و یا سهیر ئهوه ههر كادر و لایهنگرێن پارتا محافزێ نوكه ب خوه ههر رۆژ ل سهر سۆشیال میدیایێ پارێزگهههكى دادنن و پیرۆزیان لێ دكهن و ههتا نوكه دهۆك خودانا خوه و چار محافزایه و ههر ئێك ژ عهشیرهتهكێ.
د ناڤ كێلهشۆكا ئهڤى بابهتى دا ب تنێ ههڤوهلاتیێ خزمهتخواز د بهر پیان یێن دچیت و چ بۆ نههاتیهكرن كو سهرهرایی ههموو ئهو شهر و قهیران و حهواندنا ئاواران ژى ههیی قهیران و ململانێ یا عهشائیرى ژ ههموو شهرهنیخهكێ لهوچهتره ل ئهڤى باژێرى.
دوهى ئێكى بهقلاوهیێن محافزبوونا خوه بهلاڤ دكرن ل سهر فێسبۆكى و رۆژا پاشتر ئێكێ دى چوووبوو دهواما خوه وهكو محافز و مهشرۆعێ هشكه رویی ژى ل هیڤیا ئێكێ دى بوو بهێت قیراجێ دهست بكاربوونا دروستكرنا خوه دكر.
ئهڤجا نوزانم كى ئهگهرێ ئهڤى شهرێ بێ مهعنایێ عهشائیرى یه حزب یان خهلك، گهر حزب بیت پێدڤى یه درووشمێ خوه یێ دیمۆكراسى راكهت و ئێدى بهحسا چ علمانیهتێ نهكهت.
پێدڤیه ل سهر خهلكێ پارێزگههێ هنده د سڤك نهبن كو دانان و راكرنا محافزى بوو وان ببیته بابهتێ رۆژێ بلا وهبكهن و ئهوان پۆستێن ل سهر پیرۆزباهیێن دانانا پارێزگههێ بكاربینن بۆ خزمهتێن زێدهتر و فێر ببن ب رێكێن ئاشتیانه و سهردهم داخوازا مافێن خوه یێن رهوا بكهن نهك ل هیڤیێ بین كانێ كى بوو محافز.
سالا 2019 یا ل سهر مه پێدڤى ئهوه ههر رۆژ مه بابهتهكێ دهستنیشانكرى ههبیت بۆ هندێ بكهینه فشار ل سهر حوكمهتێ بۆ جێبهجێكرنا وى، ئها ئهڤه بتنێ دێ خزمهتا مه كهت نهك دانانا پارێزگهرى.
ل دووماهیێ پێدڤیه ل سهر حوكمهتێ ژى پۆستان هنده بێ قیمهت نهكهت كو ل سهر فێسبۆكان و سۆشیالێ ب گشتى خهلك بێژیتێ مه ئهڤ كهس دڤێت.
ئهز ژى پسیار دكهم و دبێژم كى ههیه ئالایێ خزمهتكرنێ بلند بكهت ئها ئهو پارێزگارێ منه نهیێ حزبێ و دهمارگێریا عهشائیرى.
