ئهز بهرزه بووم د ناڤ باژێرهكێ مهزن دا
من چاڤێن خوه ڤهكرن و ب لهز گرتنه ڤه. د ناڤ نڤینكێن خوه دا، من دگهل خوه ئاخفت، كو ئهز كچهكا جوانم و ژیرم و د شیانێن من دایه خوه ل بهر پرسگرێكێن ژیانێ بگرم، رابووم ژ خهو من خوه دقودیكێ دا دیت، كچهكم یا بتنێ مه د مالهك بچووك دا دژیم، ژ ژورهك و تاوالێتهكێ بتنێ دناڤدا ههنه و خهون و هیڤیێن من ئهون كاربكم، بگههمه ههموو خهونێن خوه، لێ بێی كو غرور من بگریت و مرۆڤایهتیا خوه ژدهست بدهم. زێدهتر من دهم نهما هزرێن خوه د خهونێن خوه دا بكم. ئێكسهر من خهیالا خوه دقودیكێ دا دیت من جانێ خوه ههمبێزكر. ژبهر كو گهودێ من پێدڤی روحا منه دلوَڤانیێ ب خوه ببهم و ڤالاتیا خوه یا سوزی پركم، ب قهدهری وێ پركرنێ یه یا زێدههیا مرۆڤان ئهڤ باژێره تژی كری. بڤان تهخمینان چاڤێن من ب دهمژمێرێ كهفتن كو من گهلهگ دهم نینه من ئاڤهك ل سهروچاڤێن خوه كر، و دبهرا من ددانێن خوه شووشتن و د وان دهمان دا من قوَمچكێن قهمسیێ خوه ژی شاش گرێدان و ب لهز و بهز من خوه ل چاكیتێ خوه و پێلاڤا خوه یا سپوَرێ دا و دهركهفتم. ب رێكێ ڤه من قهیتانكێن پێلاڤێ گرێدان و پرچا خوه ژی بێ سهروبهر ب سهر ئێك ڤه ڤههاند، ژبهركو مودێل دنهادا دوههانه. ل بنێ كوَلانێ ب غار ل جهێ پاسێ راوهستیام و دووڤ ل پاسێ سووار بووم و سهر پیان راوهستیام و كهتمه د قهرهبالغهكێ دا و د ناڤ سهروچاڤێن مرۆڤێن بێ مرۆڤایهتی دا ههموو د خوینسارن و بهرامبهر ههڤدو د بێ ههستن. و دلێ ههموویا یێ ژ كاركهفتی و بتنێ مێشكێ وان بهرمهجهكری كاردكت وهك مرۆڤێن رۆبوَتی نه و وهك مرۆڤین نوَرمال و ب مرۆڤایهتی نكارن بژین و جیران جیرانێ خوه ناس ناكت و دل رهقی یا خوه ب سهر تێگههشتنا وان دا یا گرتی، ترس و برسیبوون د ناڤ باژێرێن مهزن دا خویادكت. دیسان ژی د ناڤا باژارێن مهزن دا ههبوونا مرۆڤی ب زهحهمهته و نه وهك باژار و گۆندێن بچووكه، ههتا كو مرۆڤ بكاریت و جودا خوه ئیسبات بكهت گهلهك كار پێ دڤێت ههتا كو تو بوَ دهوروبهرا دیار بكهی كو ئهڤ ئهزم و یا ههیم. وێ( ئهز ئهزا دخودا بینه وجودێ)، ئهز گههشتیمه وی قهناعهتێ كو باژێرین مهزن مینا دهریایهك مهزنه هندی مرۆڤ د كووراتییا وێ دا مهلهڤانیا بكهت گهلهگ ب زحمهته شوون پێن خوه ل سهر وی ئهردێ دا دیاركت. بێ كو دناڤ هزارههان كوَلان و جادهیێن بهرفرههـ دا خوه بهرزهبكت. لێ ل باژارێن بچووك مینا رووبارهكی نه، وهك بهریكانهیا مهلهڤانیایه تهنێ سێو چوار كهسهك ههڤڕكیێ دگهل ته دا دكهن، ئهڤ ههڤڕكیه ژی پتر د بوارێ جهێ تو لێ كاردكهی یان دبیاڤێ تو دخوازی تێدا داهینانێ بكهی. دهما ل باژارێ بچووك دگههیه خالهكێ ئێدی دێ ههموو مرۆڤێن دهوروبهر، ته ب كهسهكێ سهركهفتی ههژمێرن و د ناڤا ڤێ سهركهفتنێ دا لێگهریان دراوهستیێت و ئێدێ موغامهره نامینیت. ئهو ژی ژبهركو ته ل چینگێ دا، لێ د ناڤا باژێرین مهزن دا ههركهسهك پێكوَلێ دكهت موغامرێ بكهت و ل دوو تهكنۆلۆجیایێ و فهلسهفهیهكا نوو بگهریێت، و د ناڤا ڤان ههموو پرس و هزركرنێن خوه دا، ملێ من ب ملێ كورهكی كهفت سهروبهرێ وێ گهلهگ سهیر بوو جلكن وێ مینا ییێن كچكا بوون و كتهكا گوهركی لبهر بون و گهردهن وێ تیژی ئكسواراتا بو دهما ئاخڤتی ژ تون دهنگی وێ من زانی كوره و بنهفسهكا تهنگ ڤه گوت: “ئوه ببووره خاتوین ئهز بلهزم” من ژی گوتێ: “بوَچ ب لهزی”، دیسا وی گوت: “مرۆڤێن ڤی باژاری ههموو ب لهز دمهشن و ئهز ژی وهك وان برێڤه دچم، مانێ سهردهمێ لهزی یه (عسر السرعه)یه” نیشانێن سهرسۆرمانێ ئهز گرتم ئهو كورێ بیانی ئهز هێلام و ب رێكا خوه ب لهز چوو ڤه، ئهز ژی دناڤا جادیێن باژیرێ ستهنبۆلێ دا بهرزهبووم و من ب ترس و هێدی پێنگاڤێن خوه هاڤێتن.
