ئه‌ز لڤێرێ نابم
كورته چیرۆك
دلدار محه‌مه‌د
دبێده‌نگییه‌كا خه‌مێ داپۆشی دا ، رۆندكا ڕه‌شمالێن چاڤێن وی داگیركرن ، هه‌كو هنده‌ك په‌یڤێن رۆژا بۆری د سه‌ری دا ده‌نگ ڤه‌دایی و ل به‌ر چاڤان هنده‌ك ڕه‌فتار بووینه هه‌لامه‌تێن ترسێ، دلێ وی ب له‌ز دهۆلا خوه ژه‌نی ، رۆندكا وی گه‌هشته نهالا روویێن وی
ـ ژیه‌ك بۆری ب ئامیریێ، به‌ندایه‌تییێ ، ما گۆڕه‌ك نینه هه‌مبێزا خوه ڤه‌كه‌ت !؟ما تو بێژی گۆڕستان ژی گرۆپ گرۆپانێ بكه‌ت ، تۆ بێژی ئه‌و ژی ده‌ستێ ئێشایان به‌ربده‌ت؟!
بله‌ز ژ پشت مێزا خوه رابوو ڤه.
چ پیته نه‌دا سكرتێری ، بێ ده‌رگه‌هـ قوتان چوو د ژۆرڤه و ئه‌و په‌یڤێن رێزێ یێن به‌ری هنگی دگه‌ل ئه‌زمانێ وی هه‌ڤال چ ژوان بكارنه ئینان :
ـ ئه‌ز ئێدی لڤێرێ نابم
دناڤ ڤان هه‌می تشتێن بلند دا من به‌سه ، چاره‌نڤێسێ ڤان بلندیێن ده‌ستكرد ، كه‌فتنه
پشتی بلندیا ده‌نگی ژ دیوارو ده‌رگه‌هێن ژۆرێ بووری.
ـ ما چ چێبویه؟!
ـ ما دێ چ چێ بیت ، تۆ هه‌رده‌م ژ سنۆران دبۆری، ژ سنۆران بۆرین بۆ ته نۆرماله، ئه‌م ژی وه‌كی ته مرۆڤین، ئه‌ز ئێدی رێكێ ناده‌م پێلاڤ مرۆڤان بكه‌نه پییێن خوه !
ـ چیه دیسا، ته چ دڤێت زیكا بێژه ؟!
ـ ئیمزا بكه.
ـ كیڤه ؟
ـ جه‌هنه‌م ژی بیت خۆشتره
ده‌رگه‌هێ ژۆرێ ل دویف خوه پێڤه‌دا دنگێنا ده‌رگه‌هی هه‌می فه‌رمانگه‌هـ ژ ده‌نگێ خوه تژی كر، كاغه‌زا ده‌ستبه‌ردانێ یا دده‌ست دا ژ كه‌ربێ ڤه‌دله‌رزیت.
هه‌ر ده‌مه‌كێ د وێرێ ڕا دبۆری چاڤێن خوه د گرتن دا وی هه‌می ئاگڕی، وێ هه‌می سۆتنێ ب چاڤ نابینیت و چاڤێن وی ئێدی ببنه مالا جوانییێ ، ژ وێ ئێڤارێ وه‌ره شه‌ڤێ ژیانا وی داگیر نه‌كری، خه‌م ل دێمێ وی نه‌باری.
