ئه‌ز یێ مایمه دناڤبه‌را هه‌ڤژینا خوه و ئه‌ڤینیێ دا
ئه‌ڤرۆ نیوز:
زه‌لامه‌كێ 35 سالى دلێ خوه بۆ ئه‌ڤرۆ ڤه‌دكه‌ت و دبێژیت: ئه‌ز خودان هه‌ڤژین و زارۆمه دو ساله ئه‌ز و كچه‌ك حه‌ز ژ ئێكدو دكه‌ین، به‌لێ ئه‌ڤ چه‌نده بدلێ هه‌ڤژینا من نینه و دبێژیت چو گاڤا ته ئه‌و ئینا ئه‌ز دێ خوه ده‌مه به‌ردان و یێ مایمه دناڤبه‌را هه‌ڤژینا خوه و ئه‌ڤینێ دا، ژبه‌ركو نه‌شێم وێ كچێ بهێلم و من گه‌له‌ك دل لسه‌ر هه‌یه، ئه‌ڤجا هوون دبێژن كیژ رێكێ بهه‌لبژێرم؟.
هه‌ڤالێ هێژا:
یا باش ئه‌وه تو بزانى كو نها تو مولكێ خوه بتنێ نینى دا تو لێ بگه‌رى بتنێ تێركرنا حه‌ز و ئاره‌زویێن خوه بكه‌ى تو نها به‌رپسیارى ژ ژیانا چه‌ند كه‌سا ئه‌و ژى هه‌ڤژینا ته و زارۆیێن ته‌نه. هه‌رده‌م هزر بكه كو هه‌ر پێنگاڤه‌كا تو بهاڤێژى نه لسه‌ر حسابا خرابكرنا لایه‌كى دى بیت، ئه‌ڤجا كارێن ته بلا به‌رهه‌مێ لایێ عه‌قلێ ته بیت نه لایێ سوزى و شه‌هوه‌ت بیت پاشى خرابكرن بیت و پاشى په‌شیمانى ئه‌ڤجا ل دیتنێن خوه بزڤره ب وردى پینگاڤێن خوه د ژیانێ دا بهه‌لسه‌نگینه و زارۆیێن خوه دانه به‌ر چاڤێن خوه و مفا ژ سه‌ر بورێن خه‌لكه‌كى دى یێن به‌رى خوه وه‌ربگره.
