ئه‌ز
بێوار حسێن/ هه‌ولێر
ده‌ما ئه‌ز چاڤێن خوه
ڤه‌دكه‌م و
هه‌ر ته دبینم
د ئاشۆپا ئه‌ڤینیا ته دا
و دكووراتیا حه‌زژێكرنا ته
هه‌ست ب هه‌بوونا ته دكه‌م
خه‌ریبیێ ژ دوور كه‌تنا ته….
پتر حه‌ز ژ ته دكه‌م
هه‌می وه‌ختا
د هزرێن ته دا یێ دنالم
یادگار وێنه‌یێن ته
ل به‌ر چاڤێن خوه
هه‌ر یێ دبینم……
تو یا شه‌یدایێ ڤینا من
وه‌ك ستێره‌كا گه‌ش
ل ئاسمانێ عه‌شقا من…
وه‌ختێ من گوه ل ده‌نگێ ته دبوو
هه‌ست ب ئارام بوونا
دلێ خوه دكه‌م و ته‌نا دبیت
هه‌می هزرێن د مێشكێ من دا
تو یا بتنێ د هزرا من دا
بێریا ته دكه‌م
زمانێ هه‌رده‌م بێریا
ناڤێ ته‌دكه‌ت..
ئه‌ز یێ دكووراتیا
ئه‌ڤینیا ته دا به‌رزه دبه‌م
د ناڤا هزرێن هه‌بوونا ته
ل ناڤ ده‌ورن و دلێ من دا
تو یا بوویه شاهه‌ژنا
جه و وارێ عه‌شقا من
تو یا بوویه رۆناهیا
تاریاتیێ یا شه‌ڤێن من……
هه‌رده‌م هزرێن من ل جه‌م ته‌نه
ژبلی ته ب تنێ
عه‌شق و ئه‌ڤیێ
بۆ چو كه‌سێن دی نینه
ده‌ستێن من چو ده‌ستا ناگرن
ژبلی ته پێڤه
تو یا بوویه فه‌رهنگا ژینا من
تو یا بوویه شاها جوانا وارێ من
ئه‌ز هه‌ر حه‌ز ژ ته دكم
من د ئاگرێ خه‌ریبیێ دا
به‌س بسۆژه
دێ بزڤڕه ڤه…..
چو جارا ئه‌ز ته ناهێلم
چو جارا ژێك دوور ناكه‌ڤین
چو جارا ئه‌ز نهینیێن ژیانا خوه
بۆ چو كه‌سێن دی نابێژم
ژبلی ته پێڤه…
هه‌تا مرنێ ئه‌ز حه‌ز ژ ته دكه‌م…..
