ئه‌كته‌ره‌كێ ناڤدارێ مسرى وه‌غه‌ركر
ئه‌ڤرۆ نيوز:
دره‌نگى شه‌ڤا بۆرى ميديايێن مسرى مرنا ئه‌كته‌رێ ب ناڤوده‌نگێ وه‌لاتێ خوه “مه‌حمود عه‌بدولعه‌زيز، راگه‌هاند كو ناڤبرى ل 12ى چريا دويێ 2016 وه‌غه‌ركر.
ژێده‌رێن ده‌نگوباسێن مسرى به‌لاڤكريه كو ساخله‌ميا مه‌حمود د دو رۆژێن بۆرى دا ژ ئه‌گه‌رێ نه‌خۆشيێ گه‌له‌ك خراب ببوو، ب ره‌نگه‌كى كو دكتور نه‌دشيان كونترۆلێ ل سه‌ر ره‌وشا وى يا ساخله‌مى بكه‌ن، ناڤبرى كێشا كێميا هيمۆگلۆبينا خوينێ هه‌بوويه ل گه‌ل كێشا كوئه‌ندامێ هه‌ناسه‌دانێ و د ئه‌نجام دا د دره‌نگى شه‌ڤا بۆرى دا وه‌غه‌ركر.
مەحموود عەبدولعەزیز ل 04-06-1946 ل ئەسکەندەرییە يا مسرێ ژ دایکبووە، دەرچوویێ کۆلێژا چاندنێ يه، بۆ جارا ئێكێ ل سالا 1974 كارێ هۆنه‌رى كريه و پشكدارى د 84 فلمان دا كريه و كارێ ده‌رهێنانێ ژى بۆ فلمێ جڤاكى و كومێدى “البنت الحلوة الكدابة” كريه.
