ئه‌كره‌م نزار ژ زاخۆ به‌ر ب یانه‌یا كه‌رخ چوویه
ئه‌ڤرۆ، هه‌رهین محه‌مه‌د:
د دیداره‌كێ دا یاریزانێ یاریا تایكۆاندۆ و باژیرێ زاخۆ ئه‌كره‌م نزار دیاركر د دووماهی قاره‌مانی دا یاری بۆ یانه‌یا كه‌رخ یا به‌غدایی كریه و شیابوو ئه‌نجامه‌كێ باش ده‌ستخوه‌ڤه بینت.
زێده‌تر ناڤهاتی بۆ رۆژناما ئه‌ڤرۆ گۆت: وه‌كو كوڕه‌كێ باژێرێ زاخۆ یاریێ بۆ یانه‌یا كه‌رخ یا به‌غدایی دكه‌م و د دووماهی قاره‌مانی دا شیابووم رێزا سێیێ ب ده‌ستڤه بینم ژبۆ هه‌لبژارتیێ ئیراقێ و گه‌له‌ك كه‌یفخوه‌شم گه‌هشتیمه ڤێ پله‌یێ و رۆژانه من راهێنان دكرن و هه‌مان ده‌م ژی دا من كاره‌كێ دی ژی دكر و ئه‌ڤه بۆ ماوه‌یێ 16 ساله یاریزانێ تایكۆاندۆیێ مه و گه‌له‌ك قاره‌مانیان پشكداربوویمه و پلێن ئێكێ ب ده‌ستڤه ئیناینه.
ژلایه‌كێ دووڤه ئه‌كره‌م نزاری دیاركر هه‌كه پشته‌ڤانی نه بتنێ ل من به‌لكو ل هه‌موو یاریزانێن تایكۆاندۆیێ بهێته‌كرن دێ ده‌ستكه‌فتێن باش هه‌بن، چونكو مه یاریزانێن خودان شیان هه‌نه یاریێ دكه‌ن و گۆت: من گه‌له‌ك مفا ژ ڤێ یاریێ وه‌رگرتیه و گوهۆڕین ل من كرینه و فێری رێنما و یاسایا یاریێ كریمه كو هه‌موو رێزگرتنه و ئه‌ڤه ژی وێ یه‌كێ دگه‌هینت ب بورینا ده‌می ئه‌و چه‌نده ل گه‌ل مرۆڤی مه‌زن دبیت و هه‌تا كو كارتێكرنا خوه ل تاخ و مێشك و جه‌سته‌یێ مرۆڤی دكه‌ت.
