ئه‌لبۆما وێ يا ل به‌ر به‌لاڤكرنێ و نه‌شێت به‌لاڤ كه‌ت
ئەڤرۆ:
رۆژینا سترانبێژ راگەھاند، ئەلبۆما وێ یا دووماھیێ، کو ھەتا نوکە چ ناڤ بۆ نەھاتینە دانان، یا بەرھەڤە بۆ بەلاڤکرنێ، لێ بتنێ کێماسیەک یا مای، ئەو ژی چ سپۆنسەرنیین.
ناڤھاتی دبێژیت: ئەلبۆما من ژ 10 تراکان پێک دھێت، کو دو ژوان فولکلۆری نە، و ئەوێن دی ھەموو سترانێن ئەڤینی نە، و ھژمارەکا ھەلبەستڤان و ئاوازدانەران پشکدای تێدا کرینە،
د دووڤدا گۆت: ھەرچەندە ھەتا نوکە چو سپۆنسەر بۆ بەلاڤکرنا وێ نەھاتیە دانان، لێ ئەز ا گەشبینم دێ ب بەرفرەھی ھێتە بەلاڤکرن، و مە بزاڤا کری دڤێ ئەلبۆمێ دا ستایلێ خوە ب گوھۆرێن، لێ ئەم ژ قالبێ کوردەواریێ دەرنەکەفتینە، و ئەز حەزژێکەرێن دەنگێ خوە پشت راست دکەم کو ل دووڤ داخوازا وان مە ئەلبۆمەکا باش چێکریە، و ئەڤێ جارێ مە وەکو ستافێ کاری خوە گەلەک ماندی کریە، و بەری ئەلبۆم بەلاڤ ببیت دێ کلیپەک وەکو ریکلام بۆ ئەلبۆمێ بەلاڤ کەم و ئەو کلیپ ل دۆر دلۆڤانیا دایکانە، ب تایبەت ژی دایکێن کوردان.
