ئه‌لبۆمه‌كا مۆزیكێ دێ ل رۆژا ئه‌ڤینداران به‌لاڤ كه‌ت
دهۆك، كاوین جیهاد ته‌حلاڤی:
مۆزیكژه‌نێ به‌رنیاس (ئه‌لند خه‌یری) د دیداره‌كێ دا بۆ رۆژناما ئه‌ڤرۆ دیاركر كو ئه‌ڤه ده‌مه‌كه ئه‌و مژوولی چێكرنا ئه‌لبۆمه‌كا مۆ زیكێ یا هه‌شت تراكی یه كو ژ ئاوازێن هه‌شت هونه‌رمه‌ندێن كورد یێن ناڤدار پێك دهێن و تراكه‌ك ژوان دێ ب شێوێ ڤیدیۆ كلیپ هێته به‌لاڤكرن.
زێده‌تر گۆت: ئه‌لبۆما من ب ناڤێ (هه‌شت ئاوازن) ئاوازێن سترانێن هونه‌رمه‌ندان (شڤان په‌روه‌ر، حه‌سه‌ن شه‌ریف، ئه‌یوب عه‌لی، خه‌یرۆ عه‌باس، عه‌بدولقه‌هار زاخۆیی، چۆپی فه‌تاح، كاروان كامل، هه‌ڤال ئیبراهیم) و ل دووماهیا هه‌ر تراكه‌كی ئاوازا خودانێ وێ سترانێ ب ستایلێ ئه‌لبۆمان من ئه‌و ستران دوباره كریه ڤه، ئه‌ڤه ژی بۆ وێ چه‌ندێ یه كو ئه‌م ل سه‌ر ستایلێن كه‌ڤن و نوو باشتر كاربكه‌ین، دا گوهدارێن مۆزیكێ ژڤان به‌رهه‌مان بێ به‌هر نه‌كه‌ین و سترانا هونه‌رمه‌ند حه‌سه‌ن شه‌ریف ئه‌وا ب ناڤێ (شه‌ڤا عه‌شقا من درێژ بوو) كو ئاوازا وێ ئێك ژ تراكێن ئه‌لبۆمێ یه ب شێوازه‌كێ گه‌له‌ك جودا هاتیه چێكرن، ئه‌و تراك ژلایێ من و هونه‌رمه‌ند حه‌سه‌ن شه‌ریف هاتیه كلیپكرن و ل نێزیك دێ به‌لاڤ بیت، بۆ زانین ژی هه‌ر ل ده‌ستپێكا ڤی پرۆژه‌ی هونه‌رمه‌ند حه‌سه‌ن شه‌ریف گه‌له‌ك پشته‌ڤان و هاریكاریا من كریه، مه ل به‌ره ل رۆژا ئه‌ڤینداران (ڤالانتاینێ) ب شێوێ سیدی به‌لاڤ بكه‌ین و ماموستایێ مۆزیكژه‌ن محه‌مه‌د زه‌كی و مۆزیكژه‌نێ هێژا مه‌هدی نوری تێدا كاركریه و كارێ ریكۆردێ هه‌موو ل ستودیۆیا تۆن بوویه.
