ئه‌لفیدا كورسون: هێشتا ب ستران گۆتنێ ده‌وله‌مه‌ند نه‌بوویمه
هه‌رهین محه‌مه‌د:
سترانبیژا باكورێ كوردستنانێ ئه‌لفیدا كورسون، د دیداره‌كێ دا بۆ به‌رپه‌رێ هونه‌ری یێ رۆژناما ئه‌ڤرۆ گۆت: مۆزیك و ستران بۆ من تشته‌كێ گه‌له‌كێ خوه‌شه و ل گه‌ل دژیم، به‌لێ ده‌مێ مرۆڤ مۆزیكێ دژه‌نیت، یان سترانا بێژیت ژدل بێژیت و كارتێكرنێ ل كه‌سێ به‌رامبه‌ری خوه بكه‌ت و هه‌موو جورێن سترانا دبێژم و دشێم ل ئاهه‌نگێن شه‌ڤێ هه‌تا چار ده‌مژمێران ژی بێ راوه‌ستیان سترانان بێژم و سترانان دبێژم داكو به‌رنیاس بم و داهاته‌كی ب ده‌ست خوه ڤه بینم و دشێم بێ پاره ژی كار بكه‌م، به‌لێ ژبلی ستران گۆتنێ چو كارێن دی ناكه‌م و داهاتێ من ژستران گۆتنێ و ئاهه‌نگێن شه‌ڤێ دهێت.
ئه‌لفیدا خانێ ئه‌و چه‌نده ژی گۆت: ئه‌ڤه بۆ ده‌مێ سێ سالایه سترانان دبێژم و هێشتا ب داهاتێ ستران گۆتنێ و ئاهه‌نگان ده‌وله‌مه‌ند نه‌بوویمه، به‌لێ ستران گۆتنێ به‌رنیاس بوون ل باشور و باكور دایه و من باوه‌ری یا هه‌ی دێ ب ستران گۆتنێ ده‌وله‌مه‌ندبم، چونكو كارێن باش یێن هونه‌ری مرۆڤی ب سه‌ر دئێخن.
