ئه‌لمانیا: دێ ده‌ست ب سزادانا پاسدارێن ئیرانێ كه‌ین
ئه‌ڤرۆ:
وه‌زیرا ده‌رڤه یا ئه‌لمانیا راگه‌هاند كو ئیرانێ ده‌ست ب سێداره‌دانا خوه‌نیشاده‌ران یا كری و ده‌وله‌تا ئیرانێ هه‌موو قانوونێن نێڤده‌وله‌تی بنپێكرینه، ده‌وله‌ت دڤێت هه‌موو ده‌مه‌كێ كار بۆ پاراستنا وه‌لاتیێن خوه بكه‌ت، لێ مخابن نها ده‌وله‌تا ئیرانێ بوویه مه‌ترسی ل سه‌ر ژیانا وه‌لاتیان و رۆژانه لاوێن ئیرانی ل سێداره دده‌ت ئه‌و یه‌ك ب چو ره‌نگه‌كێ ناهێته قه‌بوول كرن و دێ ده‌ست ب سزدانا به‌رپرسێن ئیرانێ ب تایبه‌تی ژی فه‌رماندارێن سوپایێ پاسداران كه‌ین.
ئانالینا باربۆك ئه‌و یه‌ك ژی دیار كر كو به‌ری نها وان سزا ل سه‌ر هنده‌ك به‌رپرسێن ئیرانێ سه‌پاندینه لێ ڤێجارێ وان دڤێت سزایێن توندتر ل سه‌ر ئیرانێ بسه‌پینن، هه‌كه ئیران به‌رده‌وام بیت و گرتیان ل سێداره بده‌ت دێ سزایێن نوو و دژوارتر ژی ل سه‌ر ئیرانێ سه‌پینن و گۆت: (ئه‌م ل هه‌مبه‌ر كریارێن ئیرانێ بێده‌نگ نابین، دڤێت هه‌موو وه‌لاتێن ئێكه‌تیا ئۆرۆپا پێكڤه ده‌ست ب سزادانا ئیرانێ بكه‌ن، دڤێت سزایێن گه‌له‌ك دژوار ل سه‌ر به‌رپرسێن تاوانبار یێن ئیرانێ بهێنه سه‌پاندن).
