ئه‌لمانیا و ئنگلێز د دیداره‌كا دیرووكی و قه‌ره‌بووكرنێ دا یه
ئه‌ڤرۆ،
چاڤه‌ڕێ یه ئه‌ڤرۆ ل ده‌مژمێر 9:45 شه‌ڤ دیداره‌كا دیرووكی د ناڤبه‌را دو مه‌زنه هه‌لبژارتیێن ئۆرۆپا دا بهێته ئه‌نجامدان ده‌مێ ل یاریگه‌ها ئه‌لیانز ئه‌رینا ل باژێرێ میونخێ هه‌لبژارتیێ ئه‌لمانیا مێڤانداریا هه‌لبژارتیێ ئنگلیز ب دروشمێ قه‌ربووكرنا خالێن بوری ژ چارچووڤێ گه‌ڕا دویێ یا گرۆپێ a3 یا خولا نه‌ته‌وه‌ێن ئۆرۆپا.
- یاریا قه‌ره‌بووكرنێ و تۆلڤه‌كرنێ یه
هه‌ردو هه‌لبژارتیێن پشكدار د كۆما سێیێ یا ئه‌ی دا نه‌شیانه سه‌ركه‌فتنێ د یاریا خوه یا ئێكێ دا تۆماربكه‌ن، ئه‌لمانیا هه‌مبه‌ری ئیتالیا ب گۆله‌كێ وه‌كهه‌ڤبوو ل یاریگه‌ها ریناتۆ یا ئیتالیا، ژلایێ خوه‌ڤه ئنگلێز تووشی خوساره‌تیه‌كا نه چاڤه‌ڕێكری بوو ل سه‌ر ده‌ستێ خودانێن ئه‌ردی هنگاریا ب گۆله‌كێ بێ به‌رامبه‌ر، هه‌ردو هه‌لبژارتی دێ بزاڤێ كه‌ن سێ خالێن یاریێ بده‌ستخوه‌ڤه بینن ژبۆ گه‌شكرنا هیڤیێن ده‌ربازبوونێ و یا قه‌ره‌بووكرنێ بیت، سه‌ر ئاستێ یاریێن دناڤبه‌را هه‌ردو هه‌لبژارتیان دا 33 جارا هه‌مبه‌ری ئێك بووینه، ئنگلێز شیایه 14 سه‌ركه‌فتنا هه‌مبه‌ری وێ ئه‌لمانیا 15 سه‌ركه‌فتن و چار وه‌كهه‌ڤی هاتینه، دووماهی یاری ل یۆرۆیا 2020 د قۆناغا 16ێ دا هه‌لبژارتیێ ئنگلێز سه‌ركه‌فتن تۆماركربوو ب دو گۆلان بێ به‌رامبه‌ر، له‌ورا ئه‌ڤ یاریه دهێته هژمارتن تۆلڤه‌كرن ژی كو ئه‌لمانیا بزاڤێ بوو بكه‌ت.
ژ یاریێن دی یێن ئه‌ڤرۆ، د هه‌مان ده‌م دا هه‌لبژارتیێ ئیتالیا دێ مێڤانداریا هه‌لبژارتیێ هنگاریا كه‌ت، فنله‌ندا و مۆنتێگرۆ، توركیا دێ بیته مێڤانا لیتوانیا، بۆسنا وهێرسك مێڤانداریا رۆمانیا كه‌ت و لۆكسمبۆرگ بیته مێڤانا گزیرتێن فارۆ.
