ئهمريكا: د پهيوهنديێ داينه دا كو ئهسهد چهكێ كيمياوى ب كار نهئينيت
ئهڤرۆ نيوز:
جێمس ماتیس وەزیرێ بەرەڤانیا ئەمەریکا، ل دور نەرخاندنا نوچەیا ڤەگوھەستنا چەکی کیمیاوی ژ ئالیێ رژێما ئەسەد ژبۆ ناڤچەیێن د بن کونترولا ئۆپوزسیونێ راگەھاند، دو جار کارڤەدانێن حکومەتا وان دژی چەکێ کیمیاوی دیتنە.
د جڤینەکی ھەڤبەش دا جێمس ماتیس وەزیرێ بەرەڤانیا ئەمەریکا دگەل جۆزێف دانفورد سەروک ئەرکانێ سوپایێ ئەمەریکا ل پەنتاگون ل دۆر پرسا سوریێ گوتارەک پێشکێش کر و راگەھاند: دەربارێ نوچەیا ڤەگوھەستنا چەکێ کیمیاوی ژ ئالیێ حکومەتا ئەسەد ژبۆ دەڤەرێن د بن کونترولا ئۆپوزسیونێ، ھەوە دو جاران کارڤەدانا حکومەتا مە ل دژی چەکێ کیمیاوی دیتیە.
ماتیس ھەروەھا گۆت: وەزارەتا دەرڤەیا ئەمەریکا ب رێیا کەنالێن خوە یێن دیبلوماسی دگەل روسیێ د پەیوەندیێ دانە ژبۆ رێگری کرن ژ بکارئینانا چەکێ کیمیاوی ژ ئالیێ حکومەتا ئەسەد ڤە و ئەشکەرە ژی کر وەزارەتا دەرڤە ب ئاوایەکی چالاک دگەل روسیێ ل سەر ھێلێ یە ژبۆ کو ژ ڤێ ئەگەرێ رێگریێ بکەت.
ناڤبری ھەروەھا ئاماژە ب گۆتنیێن دونالد ترامپ سەرۆکێ ئەمەریکا کر کو راگەھاند بوو ب ڤان نێزیکان لەشکرێن ئەمەریکا وێ سوریێ ب جھـ بھێلن و گۆت: سەرۆک ترامپ د ڤێ دەربارێ دا گەلەگ زەلال بوو دەما کو گوتبۆ پێدڤیە دەستپێکێ داعش ژ ناڤبچە. وەکی گاڤا دویێ ژی راھێنانانێ ب ھن ھێزان بکەن ژبۆ کو بچن جھێ داعش. د گاڤا سیێ دا ژی دانوستاندنێن جنێف ژی ھەنە، د ڤێ قووناغێ دا ژی نەتەوێن ئێکگرتی ئارمانجا وێ ئەوە کو چارەسەریا ئێک جار یا ڤێ جەنگێ بکە.
