ئه‌مريكا: هه‌ڤركيێن ده‌وله‌تێن كه‌نداڤى د به‌رژه‌وه‌ندا ئيرانێ دانه
ئه‌ڤرۆ نيوز، فاتما مزوورى:
وه‌زيرێ ده‌رڤه يێ ئه‌مريكا مايك پۆمپيۆ د په‌يوه‌نديه‌كا تله‌فۆنى دا ل گه‌ل هه‌ڤپيشه‌يێ خوه يێ قه‌ته‌رى محه‌مه‌د بن عه‌بدولره‌حمان ئه‌لسانى ئه‌نجام دا و ب گۆره‌ى راگه‌هاندنێ ئاماژه ب وێ چه‌ندێ كريه كو ئالۆزيێن د ناڤبه‌را ده‌وله‌تێن كه‌نداڤى دا د به‌رژه‌وه‌ندا ئيرانێ دانه.
به‌رده‌فكێ وه‌زاره‌تا ده‌رڤه يا ئه‌مريكا هێزه‌ر ناوێرت د كونفرانسه‌كێ رۆژنامه‌ڤانى يێ خوه يێ رۆژانه دا راگه‌هاند كو مايك پۆمپيۆ په‌يوه‌نديه‌كا تله‌فۆنى ل گه‌ل هه‌ڤپيشه‌يێ خوه يێ قه‌ته‌رى محه‌مه‌د بن عه‌بدولره‌حمان ئه‌لسانى ئه‌نجام دا.
ناوێرت راگه‌هاند كو پۆمپيۆ په‌سنا قه‌ته‌ر كريه د به‌رسينگگرتنا تيرۆرێ دا و ب هه‌ڤپيشه‌يێ خوه يێ قه‌ته‌رى راگه‌هانديه كو سه‌رۆكێ ئه‌مريكا دونالد تره‌مپ وه‌سان دبينيت كو ئالۆزيێن وه‌لاتێن كه‌نداڤ د به‌رژه‌وه‌ندا ئيرانێ دانه.
ناوێرت بۆ هه‌ڤپيشه‌يێ خوه ئاشكه‌را كريه ژى كو تره‌مپ دخوازيت كو ئه‌ڤ هه‌ڤركيه ب دووماهى بهێن.
رۆژا سێشه‌مبى هه‌ردو وه‌زيرێن ده‌رڤه يێن ئه‌مريكا و قه‌ته‌ر ل كوچكا سپى ل ئه‌مريكا كۆمبوون.