ئه‌مریكا بۆ ئێكه‌مین جار دێ فرۆكێن f 35 ل جیهانێ بەلاڤە کەت،کو شیانێن هەلگرتنا چەکێ ئەتۆمی هەیە
ئەڤرۆ نیوز ، زنار :
دوهی ئه‌مریكا ئاشكرا كر،کو دێ فرۆكێن f 35 ل جیهانێ بەلاڤە کەت،کو شیانێن هه‌لگرتن و ب كارخستنا چه‌كێ ئه‌تۆمى هه‌یه.
دوهی به‌لگه‌یه‌كێ ئه‌مریكا دەربارهى باوه‌ریا ئه‌مریكا ب چه‌كێ ئه‌تۆمی ل رۆژناما واشنتۆن پۆست هاتیە بەلاڤکرن،د وی به‌لگه‌یدا هاتیه،د دەمەکێ دا کو ئه‌مریكا چه‌كێ خوە یێ ئه‌تۆمی كێم دکەت،بەلێ رووسیا و چین ب ئاراسته‌یێ پێچه‌وانه دچن و جەبلخانەیێن خوە یێن ئه‌تۆمى زێدە د‌كه‌ن و جۆرێن نوو دروست د‌كه‌ن،کو شیانێن وان یێن ئه‌تۆمى یێن ستراتیجی و پلاندادانێ زێدەتر دکەت.
هه‌روەسا دیارکریە،کو ئه‌مریكا دێ جۆره فرۆكه‌کێ ل جیهانێ بەلاڤ کەت،کو دشێت چه‌كێ ئاسایى و چه‌كێ ئه‌تۆمى هەردویان ب كار بینیت، ئه‌و جۆرێ فرۆكان یێ ئه‌مریكا بەحس ژێ دکەت، ب فڕۆكێن f 35 دهێنە ب ناڤکرن كو شیانێن ب كارئینانا رۆكێتێن ئه‌تۆمى هه‌یه و د هه‌مان دەمدا چه‌كێ ئاسایى ژی ب كار دئینیت.
وه‌زاره‌تا بەرەڤانیا ئه‌مریكا سه‌رنجا خوە دەربارهى وی به‌لگه‌یی دایه و گوتیە، ئه‌ڤ به‌لگه‌نامه‌یه ب چه‌ندین شێوان هاتیە دارێژتن و دڤێت سه‌رۆك دۆنالد تره‌مپ و جیمس ماتیس وه‌زیرێ به‌رەڤانیا ئه‌مریكا ره‌زامه‌ندیێ ل سه‌ر دوماهی شێوێ وێ به‌لگه‌نامێ بكه‌ن.
