ئه‌مریكا ده‌رباره‌ى ڤه‌گه‌راندنا كه‌شتییا فرۆكههه‌لگر بو كه‌نداڤى رونكرنه‌ك دا
ئه‌ڤرۆ نیوز:
وه‌زاره‌تا به‌رگرى یا ئه‌مریكا راگه‌هاند، ڤه‌گه‌راندنا كه‌شتییا فروكه‌هه‌لگرا یۆ ئێس ئێس نێمتیز بو ئاڤا كه‌نداڤى، چ په‌یوه‌ندی ب كوشتنا فه‌خریزاده، زانایێ ئه‌تۆمى یێ ئیرانێ ڤه نینه.
رێبیكا ریبارێچ، په‌یڤدارا كه‌شتییا سه‌ربازى یا ژماره پێنج یا ئه‌مریكا راگه‌هاند، ڤه‌گه‌راندنا وان كه‌شتییان په‌یوه‌ندى ب چ گه‌فان ڤه نینه، لێ ڤه‌گه‌راندنا وێ هێزا ده‌ریایى پشكه‌كه ژ ئاماده‌باشییا هێزێن وان بۆ پاراستنا ئارامى و ئاسایشا ده‌ڤه‌رێ.
پێشتر وه‌زاره‌تا به‌رگرییا پێنتاگۆن راگه‌هاندبوو، كه‌شتییا فرۆكه‌هه‌لگرا یۆ ئێس ئێس نێمتیز دێ ڤه‌گه‌ریته ده‌ڤه‌را كه‌نداڤى و به‌رگرییا ئه‌سمانى بو ئه‌مریكا و هه‌ڤپه‌یمانێن وێ پێشكێش دكه‌ت.
كه‌شتییا فرۆكه‌هه‌لگرا یۆ ئێس ئێس نێمتیز، ئێكه ژ مه‌زنترین كه‌شتیێن سه‌ربازى ل جیهانێ كو د ده‌مێ ده‌ربازبووى دا دگه‌ل ئۆسترالیا، هندستان و ژاپۆنێ مانۆرێن ده‌ریایى ل ده‌ریا ئه‌ره‌بى كرینه.
