ئه‌مریكا دێ سزایین نوو ل سه‌ر ئیرانێ سه‌پینیت
ئەڤرۆ نیوز:
وه‌زیرێ ده‌رڤه یێ ئه‌مریكا سزایێن نوو ل سه‌ر ئیرانێ راگه‌هاندن.
مایك پۆمپێیۆ، وه‌زیرێ ده‌رڤه یێ ئه‌مریكا راگه‌هاند، ئیران پارێن په‌ترۆلێ بۆ سوپایێ پاسداران بكاردئینیت ل شوونا وێ چەندێ ره‌وش و ژیانا وه‌لاتیێن خوه پێ باشتر بكه‌ت.
پۆمپێیۆ ئاشكرا كر ژی، ئه‌مریكا دێ چه‌ندین سزایێن دژى تیرۆرزمێ ل هەمبه‌رى ئیرانێ بكاردئینیت كو كارتێكرنێ ل سازیێن ئیرانێ دكه‌ن.
سه‌پاندنا سزایێن ژ ئالیێ ئه‌مریكا ڤه ل سه‌ر ئیرانێ د وى ده‌مى دایه كو بهایێ تومه‌نێ ئیرانى ل هەمبه‌رى دۆلارێ ئه‌مریكى گه‌له‌ك داكه‌فیته و ره‌وشا ژیانا خه‌لكێ ئیرانێ و ره‌وشا ئابوورى یا وى وه‌لاتى گه‌له‌ك خرابه.
ئه‌مریكا ئیرانێ ب وێ یه‌كێ تۆمه‌تبار دكه‌ت كو میلیشیایان بۆ عیراقێ و یه‌مه‌نێ و سووریێ و هنده‌ك وه‌لاتێن دى ره‌وانه دكه‌ت و ئیران وێ تۆمه‌تێ ره‌ت دكه‌ت.
