ئه‌مریكا هۆشداریێ دده‌ته ئیرانێ
ئه‌ڤرۆ:
وه‌زاره‌تا ده‌رڤه یا ئه‌مریكا راگه‌هاند كو ئیرانێ هنده‌ك داخوازیێن زێده هه‌نه و ئه‌و یه‌ك ژ ئالیێ ئه‌مریكا ڤه ب چو ره‌نگه‌كێ ناهێته قه‌بوولكرن، چونكو به‌ری نها هه‌م وه‌لاتێن ئێكه‌تیا ئۆرۆپا و ئه‌م ژی به‌رپرسێن ئه‌مریكا دیار كرینه ئه‌و چو مه‌رجان ژ ئیرانێ قه‌بوول ناكه‌ن و ژ بۆ رێككه‌فتنا ئه‌تۆمی ژی دڤێت ئیران به‌ری هه‌ر تشته‌كێ پیتاندنا یۆرانیۆمێ بده‌ته راگرتن و ده‌ستان ژ دروستكرنا ئاژاوه‌گه‌ریێ ل رۆژهه‌لاتا ناڤین به‌رده‌ت.
ل ئالیێ دی سه‌عید خه‌تیب زاده په‌یڤدارێ وه‌زاره‌تا ده‌رڤه یا ئیرانێ ژی راگه‌هاند هه‌كه ئه‌مریكا سوپایێ پاسداران ژ لیستا تیرۆرێ ده‌رخینیت وی ده‌می ئیران ژی دێ هنده‌ك داخوازیێن ئه‌مریكا قه‌بوول كه‌ت، لێ هه‌لوه‌ستێ نها یێ ئه‌مریكا د جهێ خوه دا نینه و هه‌كه ره‌وش وه‌سا بیت ئیران ژی نه‌چار نینه هه‌موو داخوازیێن ئه‌مریكا قه‌بوول بكه‌ت، هه‌تا نها ئه‌مریكا ئاسته‌نگی دروست كرینه و ناهێلیت رێككه‌فتنه‌كا نوو بهێته ئیمزا كرن.
