ئه‌مریكا پشته‌ڤانیا خوه بۆ ئه‌رمه‌نستانێ دیار دكه‌ت
ب، سه‌رجان مه‌حمود:
نانسی پلۆسی سه‌رۆكا جڤاتا نوونه‌رێن ئه‌مریكا سه‌ره‌دانا ئه‌رمه‌نستانێ كر و ل گه‌ل ئالین سیمۆنیان سه‌رۆكێ په‌رله‌مانێ ئه‌رمه‌نستانێ كۆمبوونه‌ك سازكر و راگه‌هاند كو ئه‌و ژ نێزیكڤه دووڤچوونا ره‌وشا نها و ئێرشێن ئازه‌ربه‌یجانێ یێن ل سه‌ر ئه‌رمه‌نستانێ دكه‌ن و گۆت: (ئازه‌ربایجان قانوونێن نێڤده‌وله‌تی بنپێ دكه‌ت و ئێرشێن وێ بۆ سه‌ر ئاخا ئه‌رمه‌نستانێ ناهێنه قه‌بوول كرن و د ڤێ مژارێ دا ئه‌م ل گه‌ل ئه‌رمه‌نستانێ نه و بێگومان بۆ راگرتنا ئێرشێن تێكده‌رانه یێن ئازه‌ربایجانێ هه‌لویستێ مه دێ دژوار بیت و جاره‌كا دی ئێرشێن ئازه‌ربایجانێ ب توندی شه‌رمه‌زار دكه‌م و نابیت ئێرشێن وه‌سا به‌رده‌وام بن).
ناڤهاتیێ د پشكه‌كا دی یێ ئاخڤتنا خوه دا ژی راگه‌هاند كو د ده‌ستێ وان دا زانیاریێن ته‌مام هه‌نه كو ئازه‌ربایجانێ دڤێت ب دروستكرنا ئالۆزیان و ب ئێرشان داخوازیێن خوه ب ئه‌رمه‌نستانێ بده‌ته قه‌بوول كرن و گۆت: (ده‌مێ من بریار دا سه‌ره‌دانا ئه‌رمه‌نستانێ بكه‌م من باش دزانی ئالۆزی د ناڤبه‌را هه‌ر دو ده‌وله‌تان دا هه‌نه و ئه‌ز هاتمه ڤێرێ دا كو پشته‌ڤانیا خوه بۆ ئه‌رمه‌نستانێ دیار بكه‌م و بۆ ئازه‌ربایجانێ ژی بێژم كو ده‌ست ژ ئێرشان به‌رده‌ت ژ به‌ر كو ئه‌م وه‌ك ئه‌مریكا زۆرداریێن ل سه‌ر ئه‌رمه‌نستانێ قه‌بوول ناكه‌ین و دڤێت ئازه‌ربه‌یجان جاره‌كا دی ئالۆزیان دروست نه‌كه‌ت، چونكی دێ ب توندی به‌رسڤا ئازه‌ربایجانێ ده‌ین).
