ئه‌مریكا چ ژ بارزانی دڤێت؟
سه‌ره‌رایی كو ئه‌مریكا بخوه ب ئاشكه‌رایی دوورشمێ وان یێ دیاره كو هه‌ر تشت بۆ به‌رژه‌وه‌ندی و پاراستنا ئه‌مریكا، لێ بۆ مه وه‌كو كورد هه‌ر ب چ ئاوایی بیت دۆستینی و په‌یوه‌ندیا كوردان ل گه‌ل ئه‌مریكا و هه‌ڤپه‌یمانا دیرۆكه‌كا نوو و ده‌ستپێشخه‌ریه‌كه و كورد پێدڤینه و نابیت ژده‌ست بده‌ین وه‌كی دیار عێراق و سووریا ب تایبه‌تی و رۆژهه‌لاتا ناڤه‌راست ب گشتی به‌ر ب گوهۆرینێن ب له‌ز یا دچیت و شیعه‌گه‌ری ژی ب سیاسه‌تا ئیرانێ یا ب هێز دكه‌ڤیت سه‌ره‌رایی كو ئه‌مریكا وه‌كو ماره‌كێ دبن گلگله‌یی دا یا خوه نێزیكی ئیرانێ دكه‌ت و رێكه‌فتنان ل گه‌ل دكه‌ن لێ وه‌كی دیار ب ته‌مامی ئه‌مریكا نه‌شیایه ڤی بارودۆخێ رۆژهه‌لاتا ناڤه‌راست كونترۆل بكه‌ت و شێورمه‌ند و ئاقلمه‌ند و سیاسه‌تمه‌دار و رایه‌دارێن ئه‌مریكا هه‌میان هزرا خوه ئێخستیه ل سه‌ر ره‌وشا عێراقێ و د باوه‌را واندا كلیلا كونترۆلا كاكلا بابه‌تی ل رۆژهه‌لاتا ناڤه‌راست عێراقه ژبه‌ر كو هه‌مو پرانیا پیرۆزیێن شیعه‌یان ل عێراقێ نه و هزر د پارچه‌بوونا سێ هه‌رێمیێ دا دكه‌ن وه‌كو هه‌رێمێن كورد و سوننه و شیعه و گرنگترین كه‌س ژی د ڤی بارودۆخی دا پرسیار پێ بهێته كرن سه‌ركردایه‌تیا كوردی یه وه‌كو وه‌رگرتنا بۆچوونا د ڤێ پرسێ دا ئه‌و ژی هه‌كه هات و پشتی عێراق ب تمامی ژ گرۆپێن هشكباوه‌ر بهێنه پاقژكرن، نموونه داعش و پشتی داعش و ژبه‌ر ڤێ چه‌ندێ بۆ ئه‌مریكا كورد گرنگن، بۆچی ئه‌مریكا بارزانی داخوازكر د ڤی بارودۆخی دا؟ وه‌ك ل مه پێشیێ ئاماژه ب هێزبوونا شیهه‌گه‌ریێ ل رۆژهه‌لاتا ناڤه‌راست دایی كو بۆ ئه‌مریكا پاشه‌رۆژه‌كا ب مه‌ترسیه و ژبه‌ر ڤێ چه‌ندێ پێدڤیه كوردان بۆ خوه بكه‌ته په‌رژانه‌ك و خاله‌كا دی ئه‌مریكا نه‌شێت نه لایه‌نی سوننی و نه‌ژی یێ شیعی د ڤی بارودۆخی ناسك دا داخواز بكه‌ت ژبه‌ر كو دێ ره‌وشا ره‌گه‌ز په‌رستیا ئۆلی د نێڤبه‌را هه‌ردو لایه‌نێن شیعی و سوننی دا په‌یدا بیت نموونه كونترۆلكرنا مووسل و ده‌ردورێن وێ دێ ئێك ژ داخوازیێن ئه‌مریكا بیت كو ب چ ره‌نگی هه‌بیت ڤێت كورد پشكدارببن د شه‌رێ ئازادكرنا مووسل دا و ب ده‌ستپێشخه‌ریا پێشمه‌رگه‌یی و ب پشته‌ڤانیا هه‌ڤپه‌یمانان بیت ژ به‌ر ڤێ چه‌ندێ كه‌سێ ئێَكێ د عێراقێ دا جهێ باوه‌ریێ بۆ ئه‌مریكا بارزانی یه، بارزانی چ ژ ئه‌مریكا دڤێت؟ سه‌ره‌ایی كو د مه‌دیایا كوردی و عه‌ره‌بی و جیهانی دا به‌حس ل وێ چه‌ندێ دكه‌ن كو بارزانی دێ داخوازا راگه‌هاندنا ده‌وله‌تا كوردی كه‌ت و نه‌مازه جودابوون ژ عێراقا نوكه لێ ب دیتنا من بارزانی دێ پتر گرنگیێ ده‌ته هندێ كو عێراق ب هه‌می ره‌نگان گره‌نتیێ بۆ كوردان بده‌ت ل دووڤ وان مافێن دستووری و پێگیریێ ب هه‌می یاسایێن كو ل هه‌مبه‌ر كوردستانێ دا بهێنه جێبجێكرن و دبن چاڤدێریا ئه‌مریكا ڤه بن ل ڤی ده‌می بارزانی داخوازا جودابوونێ ژ عێراقێ ناكه‌ت ب تایبه‌ت كێشه‌یا ده‌ڤه‌رێن ده‌رڤه‌یی هه‌رێمێ و بودجه روژئاڤایێ كوردستانێ ژی دێ بیته پشكه‌ك ژ داخوازیێن بارزانی چ وه‌ك نه‌خشه‌یێ جوگرافی یان ژی پشته‌ڤانیا ئه‌مریكا و هه‌ڤپه‌یمانان بۆ رۆژئاڤا، خاله‌كا دی بارزانی دڤێت گره‌نتیه‌كا ده‌ولی بۆ كوردان بێته دروستكرن هه‌كه هات و پرۆژێ سێ هه‌رێمی ئه‌وا د سه‌رێ ئه‌مریكا دا سه‌رنه‌گرت و دێ چ گره‌نتی بۆ كوردان هه‌بیت و دیسا پرۆژێ پڕچه‌كرنا پێشمه‌رگه‌یی كو ئێكسه‌ر بۆ هه‌رێمێ بێت و پشته‌ڤانیا هه‌ڤپه‌یمانان.
