ئه‌مریكا ژ به‌ر رۆسیا هۆشداری دا توركیا
ب، سه‌رجان مه‌حمود:
وه‌زاره‌تا ده‌رڤه یا ئه‌مریكا راگه‌هاند كو پشتی سه‌ره‌دانا ئه‌ردۆغانی یا بۆ رۆسیا هنده‌ك گوهۆرین د هه‌لوه‌ستێ توركیا دا روو داینه و نها توركیا دڤێت هاریكاریا رۆسیا بكه‌ت دا خوه ژ سزایێن ئابووری یێن ئه‌مریكا و ئۆرۆپا قورتال بكه‌ت، هه‌كه توركیا كاره‌كێ وه‌سا بكه‌ت ئه‌مریكا ب چو ره‌نگه‌كێ قه‌بوول ناكه‌ت و دێ ب توندی سه‌ره‌ده‌ریێ ل گه‌ل توركیا كه‌ت.
وه‌زاره‌تا ده‌رڤه یا ئه‌مریكا ئه‌و یه‌ك ژی دیار كریه كو رۆسیا دڤێت ب رێیا توركیا كاریگه‌ریا سزایێن ئابووری كێم بكه‌ت و ژ به‌ر هندێ ژی رۆسیا دڤێت توركیا بكار بینیت، مه ژی وه‌كو ئه‌مریكا ب توندی هۆشداری دایه توركیا كو كاره‌كێ وه‌سا نه‌كه‌ت، چونكی ئه‌و یه‌ك دێ بیته ئه‌گه‌رێ هندێ په‌یوه‌ندیێن توركیا ل گه‌ل ئه‌مریكا و وه‌لاتێن ئۆرۆپا ئالۆزتر لێ بهێن.
