ئه‌مریكا ڤه‌كۆلینێ د ترۆمبێلێن تێسلا دا دكه‌ت
ئه‌مریكا ڤه‌كۆلینێ ل سه‌ر سیسته‌مێ “بێ شوفێر” د ترۆمبێلێن تێسلا دا ئه‌نجام ده‌ت، ئه‌ڤه ژی پشتی ئه‌و نووچێن به‌حس ل خرابیا دیتنا روودانان دكه‌ن. ئێك ژ وان گیان ژ ده‌ستدانا كه‌سه‌كی بوو كو ل سه‌ر په‌یادێ بوو.
رێڤه‌به‌رێ سلامه‌تی و هاتنوچوونا رێیێن نشتیمانی ل ئه‌مریكا راگه‌هاند كو ڤه‌كۆلین كریه پشتی كۆمپانیێ چار روودانێن هاتنوچوونێ ئه‌نجام داین، د ده‌مه‌كی دا كو ئه‌و ترۆمبێلێن تێسلا چووینه وان ده‌ڤه‌رێن مه‌ودایێ دیتنێ یێ كێم ژ به‌ر ئه‌گه‌رێ نه‌بوونا تیشكا رۆژێ و تۆزه‌كا زێده كو د ناڤ هه‌وایی دا به‌لاڤ ببوو.
ئاماژه ب وێ چه‌ندێ ژی كریه كو ژ ئه‌گه‌رێ ڤان روودانان، كه‌سه‌كی گیانێ خۆ ژ ده‌ست دایه و كه‌سه‌ك ژی بریندار بوویه.
بڕیاره ڤه‌كۆله‌ر دووڤچوونێ بۆ ئه‌گه‌رێ (هاژووتنا ته‌مام یا سه‌ربه‌خۆ) بكه‌ن كو كاودانێن كێم دیتنێ ل سه‌ر رێیا ده‌ستنیشان بكه‌ن و به‌رسڤێن گۆنجایی بده‌ن، هه‌كه وه‌سایه، ڤه‌كۆله‌رێن پشكدار د ڤان روودانان دا، دێ ته‌ماشه‌یی كاودانان كه‌ن.
رێڤه‌به‌رێ سلامه‌تیا هاتنوچوونا رێیێن نشتیمانی ل ئه‌مریكا ڤه‌كۆلینێ دێ ئه‌نجام ده‌ت دا كو دا كو بزانیت كا ئایا سیسته‌مێ ته‌مام یێ بێ شوفێریێ یێ گرێدایی كۆمپانیا تێسلایێ یێ هایداره ل سه‌ر كاودانێن كێم دیتنێ یێ ل سه‌ر رێیان ل ده‌مێ كێم دیتن و مژێ یان هه‌ر گوهۆرڕینه‌كا هه‌یی.
ب گۆره‌یی ئاژانسا نووچه‌یێن ئه‌لمانی، ئیدارا سلامه‌تی و ڤه‌گوهاستنێ دێ ڤه‌كۆلینێ د نێزیكی 4.2 ملیۆن ترۆمبێلێن ئه‌لكترۆنی دا ئه‌نجام ده‌ت ژ وان ژی مۆدێلێن ئێس و مودێلێن 2020 و 2024، دیسا مۆدێلێن بارهه‌لگرێن ئه‌لكترۆنی د ناڤبه‌را سالێن 2023 بۆ 2024 دا.
