ئهمریكا گوژمهكێ پارهی بۆ زانكۆیێن كوردستانێ دمهزێخیت
ئهڤرۆ:
ئێرڤن هیكس، قونسلێ گشتی یێ ئهمریكا ل ههرێما كوردستانێ دیار كر، وان 600 هزار دۆلار بۆ پێشڤهبرنا تاقیگههان و لایهنێن تهكنیكی یێن زانكۆیێن ههرێما كوردستانێ مهزاختینه و دبێژیت: ل ههیڤا تهمموزا ئهڤ ساله دهست ب مهزاختنا وی پارهی دێ هێته كرن.
قونسلێ گشتی یێ ئهمریكا ل ههرێما كوردستانێ خویا ژی كر، ل دهمێ بۆری وان راهێنان ب بهرپرسێن زانكۆیێن ههرێمێ كرینه، ژ بۆ هندێ د بهرههڤ بن بۆ پێشڤهبرنا كهرتێ تهكنهلۆژیایێ ل زاكۆیان و گۆت: “ئهمریكا دێ گرنگیێ ب كهرتێ تهكنهلۆژیێ ل ههرێما كوردستانێ دهت ژ بۆ هندێ ئهو گهنجێن ل زانكۆیان دهردچن بشێن ل بازاری كار بكهن و بشێن خوه ل گهل ڤی سهردهمی بگونجینن”.
ناڤهاتی دوپاتی ل وێ چهندێ ژی كریه كو ئهو ل سهر پشتهڤانیكرنا كهرتێ پهروهردێ و خواندنا بلند ل ههرێمێ دێ د بهردهوام بن.
