ئه‌مریكا 500 هزار دۆلار بۆ شوونووارێن ده‌رگه‌هێ بادینان ته‌رخانكرن
ئه‌ڤرۆ:
كۆنسلخانا گشتی یا ویلایه‌تێن ئێكگرتیێن ئه‌مریكا ل هه‌رێما كوردستانێ، د فه‌یسبووكێ خوه دا به‌لاڤكرییه، كو حكومه‌تا ئه‌مریكا گوژمێ 500 هزار دۆلاران بۆ نووژه‌نكرنا شوونووارێن كه‌له‌پووریێن ده‌رگه‌هێ بادینان ل پارێزگه‌ها دهۆكێ ته‌رخانكرینه.
كۆنسلخانا گشتی یا ویلایه‌تێن ئێكگرتیێن ئه‌مریكا ل هه‌رێما كوردستانێ ئاشكرا ژی كریه كو پرۆژه ژ پرۆسا چاككرن و نووژه‌نكرن و نه‌هێلانا پاشمایێن ژناڤچوویی ل سه‌ر شوونوارێن ده‌رگه‌هێ بادینان ل ئامێدیێ پێك دهێت.
ئاماژه ب وێ چه‌ندێ ژی كریه كو ویلایه‌تێن ئێكگرتیێن ئه‌مریكا پێگریا خوه بۆ پشته‌ڤانیكرنا هه‌رێما كوردستانێ دووپات دكه‌ت، كو د ناڤ وێ پشته‌ڤانیێ ژی دا پاراستنا شوونووارێن دێرین یێن گرنگ هه‌نه.
