ئه‌مریکا: ئیرانێ دڤێت مفای ژ ئالۆزییێن رۆژهەلاتا ناڤین وەربگریت
ب، سه‌رجان مەحمود:
جه‌نه‌رال میشل ئه‌ریک کوریلا فه‌رماندارێ هێزێن ناڤه‌ندی یێن ئه‌مریکا ل رۆژهه‌لاتا ناڤین، د داخۆیانیه‌کێ دا راگه‌هاند کو رەوشا نها یا رۆژهەلاتا ناڤین گەلەک ئالۆزە، د پێنجی سالێن بۆری دا چو دەمەکێ رەوشا رۆژهەلاتا ناڤین وەکو نها ئالۆز نەبوویە و گۆت: (نها ل ئیرانێ، غەزە، سووریێ و ئیراقێ ئالۆزی هه‌نه و ژ به‌ر ڤان ئالۆزیان رۆژهه‌لاتا ناڤین د ره‌وشه‌کا گه‌له‌ک خراب دایه و ئیرانێ ژی دڤێت رەوشا نها هەر یا ئالۆز بیت، هەتا کار بۆ ئالۆزیێن زێدەتر ژی دکەت، چونکی ئیرانێ دڤێت مفایێن مەزن ژ ئالۆزیێن نها ل رۆژهەلاتا ناڤین وەربگریت).
ناڤهاتی ئەو یەک ژی دیار کر، ژ بەر شەرێ نها ل غەزە ئیرانێ ژی دەستێوەردان د رەوشا دەڤەرێ دا کریە، حوسیێن یەمەنێ ب فەرمانا ئیرانێ ئێرشی گەمیێن بازرگانی دکەن، هەروەسا گرۆپێن چەکدارێن سەر ب ئیرانێ ژی ل چەندین وەلاتێن رۆژهەلاتا ناڤین ئالۆزیان دروست دکەن، ئەو یەک ژی نیشا ددەت ئیرانێ دڤێت رەوشا ئالۆز یا ل رۆژهەلاتا ناڤین بەردەوام بیت.
