ئه‌مریکا: ناتۆ و ئه‌مـریکـا شـەڕێ رۆسیا ناکـەن
جه‌ک سولیڤان شیرەتکارێ ئێمناهیا نشتیمانی یا ئه‌مریکا د داخۆیانیه‌کێ دا راگه‌هاند کو بێگۆمان دێ ئوکرانیا رۆژه‌کێ هەر بیتە ئه‌نداما ناتۆیێ لێ نه نها و گۆت: (ئێرشێن رۆسیا بۆ سه‌ر ئۆکرانیایێ ب چو رەنگەکێ رەوا نینن، ژ بەر هندێ ژی ئه‌م وه‌ک ئه‌مریکا دێ ب هەموو شیانێن خوە هاریکاریا ئۆکرانیایێ کەین، د ره‌وشا نها دا وەلاتێن ناتۆ ب گشتی پشته‌ڤانیا ئوکرانیایێ دکه‌ن، بێگۆمان ئوکرانیا یا مافداره و دێ هەر رۆژەکێ بیتە ئەنداما ناتۆیێ ژی، لێ د ره‌وشا نها دا نه ئه‌مریکا و نه ژی ناتۆ بەرهەڤ نینن ئۆکرانیا وەکو ئەنداما ناتۆیێ قەبوول بکەن، هێشتا دەم بۆ ڤێ یەکێ یا گونجای نینە).
جه‌ک سولیڤان هه‌روه‌سا راگه‌هاند ژی کو گه‌لێ ئه‌مریکا و جیهانا دیموکرات پشته‌ڤانیا ئۆکرانیایێ دکەن، لێ د ڤێ ره‌وشێ دا هه‌که ئه‌م ئۆکرانیا وه‌کو ئه‌نداما ناتۆ وه‌ربگرین دڤێت ئه‌مریکا و ناتۆ خوە بۆ شەڕێ رۆسیا بەرهەڤ بکەن، لێ نە ئەمریکا و نە ژی ناتۆ ناخوازن شەڕێ رۆسیا بکەن.
