ئه‌مریکا هۆشداریێ دده‌ته ئیرانێ
جۆن کێربی شیرەتکارێ ئاسایشا نه‌ته‌وەیی یا ئه‌مریکا د داخۆیانیه‌کێ دا راگه‌هاند کو ده‌وله‌تا ئیرانێ ل گه‌ل رۆسیا په‌یمانێن سه‌ربازی ئیمزا دکه‌ت و خوه ئاماده دکه‌ت کو مۆشەکێن بالیستیک و دوور ئاڤێژ بدەتە رۆسیا و گۆت: (ئه‌م ژ په‌یمانێن د ناڤبه‌را رۆسیا و ئیرانێ دا ئاگەهدارین و هه‌که ده‌وله‌تا ئیرانێ ل سه‌ر سیاسه‌تا خوه یا فرۆشتنا چه‌کان بۆ رۆسیا به‌رده‌وام بیت دێ ب توندی هێته سزادان. ژ به‌ر کو په‌یوه‌ندیێن د ناڤبه‌را رۆسیا و ئیرانێ دا نه ب تنێ ل دژی ئۆکرانیایێ ڤە، بەلکو گه‌فن ل سه‌ر هه‌موو جیهانا پێشکه‌فتی و ئەو یەک ب چو رەنگەکێ ناهێتە قەبوولکرن و دڤێت وەلاتێن ئێکەتیا ئۆرۆپا ژی ل هەمبەر بزاڤێن مەترسیدار یێن ئیرانێ و رۆسیا خوەدان هەلوەست بن).
ناڤهاتی ئەو یەک ژی دیار کر ئەم ب توندی هۆشداریێ ددەینە ئیرانێ کو دەست ژ کارەکێ وەسا مەترسیدار بەردەت، چونکی ئەو یەک دێ ئەنجامێن گەلەک خراب بۆ ئیرانێ ژی هەبن، هەڤپەیمانێن ئەمریکا ل رۆژهەلاتا ناڤین ژی ل هەمبەر ڤان بزاڤێن مەترسیدار یێن ئیرانێ بێدەنگ نامینن.
