ئهم وئهو مامۆستا.. پم مامۆستا..پم مامۆستا
جارهكا دی دێ زڤرمه هندێ كو ماچیه ههكه كوردستانا مهژی وهكو سۆیسرا لێ بهێت؟ ل حهفتیا بۆری من بهحسێ گرنگترین و ب هێزترین خالا ئاڤاكرنا ههر دهولهتهكێ كر، كو ئهو ژی خواندن و ئاستێ خواندنێ و مامۆستایێن قووناغێن خواندنێ، ل ڤێرهچیرۆكا راوێژكارا ئهلمانیا مێركل ێ هاتهبیرا من دهمێ ژمارهكا قازی و دادوهر و پزیشك و ئهندازیار چووینه دهف و گۆتیێ: مهدڤێت مووچێن مه ژی وهكی یێن مامۆستایان لێ بكهی؟ ئینا مێركلێ گۆتێ دێ چاوا مووچێن ههوه و یێن هوون فێركرین و گههاندنینه ڤان پله و ئاست و بهرپرساتیا وهكو ئێك لێكهم؟ گونهههكا مهزنه ل ههمبهری وان دا، ههر د دهربارهی خواندنێ و عهدالهتێ، دێ سهرهاتیهكا وینستون چرچلی ڤهگوهێزم دهمێ ل شهڕێ جیهانیێ دووێ فرۆكێن ئهلمانی ب هزاران تانك و تۆب وزریبۆش ب فرۆكان بهرداینهلهندهن و باژێرێن دی و پایتهخت ببوو عهرد هندی هاتبوو تۆبارانكرن ژ لایێ ئهلمانیا ڤه، پشتی شهر ب دووماهی هاتی هندهك هاتنه دهف چرچلی و گۆتێ وهلاتێ مهبوو عهرد؟ چرچلی گۆتێ: دادگهه و خواندن دچاوانن؟ ههمیان گۆتێ ئهو ههردو دباشن چ زهرهر ڤێنهكهفتیه، ئینا چرچلی گۆتێ هندی ئهو ههردو دباشبن دێ زویكا ل سهر پێن خوه راوهستین ووهلاتێ خوه ئاڤهدان كهین. دبیت هندهك هزر بكهن كو وهلاتێن مینا یابان و كۆریا باشوور و چین و سهنگافۆره و یێن ئهورۆپی، ههما هۆسا یێن بووینه هێزێن ئابووری و لهشكری و سیاسی و وهرزشی و زانستی ل ڤێ جیهانێ؟ و وهكی مه كوردان دهمێ كور یان كج نهشێت رێژهیهكا باش دخواندنا خوهدا دهربێخن، دا بچنه كۆلیژهكا باش، دێ دهیك و باب بێژنێ بۆ خوه نهكه خهم، كولێژێن ب پاره دێ هیڤیا ژ تهكهن!! یانژی دهمێ هێشتا باش سمبێلێن گهنجی نههاتین دێ ب ترومبێلا خوه یا تایبهت چیته قوتابخانێ!! نهخێر..ئهو وهلات و كێشوهر تهنێ ب پیتهدان ب خواندنێ و ئاستێ وێ و مامۆستای و قوتابی یێن گههشتینه ڤان ئاستێن بلند..مامۆستا ل ڤان وهلاتان ژ ههمی پیشهیێن دی پتر مووچهی وهردگریت و حوكمهت پیتهكێ ئێكجار مهزن ددهنێ و نه قوتابی و نهمال و كهسوكارێن وان دشێن خوه ل بهندا مامۆستایهكی بههلاڤێژن، وهكو ئهم ل كوردستانێ دبینین، قوتابی ب خێرا خوه مامۆستای ب ترومبێلا خوه دگههینیته قوتابخانێ!. لهوما كوردستانێ و سهركردایهتیا وێ یا سیاسی ههكه ژدل بڤێت كوردستانێ ئاڤا بكهن دڤێت بهری ههمی تشتان سیستهمێ خواندنێ ژ قووناغا ئێكێ ههتا دووماهیێ بگوهۆرن و خواندن و قوتابخانه و زانكۆ و پهیمانگههـ تنێ بۆ خواندنا زانست و زانینێ بن وچ تشتێ ئاینی نهكهنه د ناڤ پرۆگرامێن خواندنێ دا، دڤێت خواندن ب تهعدایی ههتا ژیێ ١٨ سالیێ بهێته سهپاندن ل سهر خهلكێ كوردستانێ و یێ زارۆیێن خوه نههنێریته قوتابخانان ئهو زارۆ ژێ بهێنه وهرگرتن. زۆر پێنگاڤێن دی یێن ههیین دڤێت بهێنه هاڤێتن دا ئهڤ كوردستانه دهمێ دبیته دهولهت یا ئامادهبیت بۆ پێشڤهچوونێ و ههلبهت پێنگاڤا ههره گرنگ ژی ئهوه زانكۆیێن ب پاره ههمی بهێنه داخستن دا قوتابی ب خونن و بچنه زانكۆیێن حكومی.. سلاڤ ل سیستهمێ قوتابی نهزانیت كا دێ سوباهی چیته قوتابخانێ یان نه! سلاڤ ل وی سیستهمێ پشتا قوتابیێ پولا ئێكێ دشكێنیت، چونكی نهشێت كتێبێن خوه یێن وهزارهتێ بۆ كڕینه پهیرهوێ خواندنێ راكهت هندی دگرانن!. سلاڤ ل رۆژا ئێكشهمبیا بێی دیراسهت هاتیه دهستنیشانكرن وهكو بێهنڤهدان!! سلاڤ و سلاڤ و سلاڤ ل ههمی سیستهمی خواندنا كوردستانێ.
