ئهم و ئهو بهلێ بۆ بهلێ یا دهولهتبوونێ
ل كوردستانا نوكه دڤێت مرۆڤ دانپێدانێ ب هندێ بكهتن كو مه گهلهك كێموكاسی و ئاریشه و ئاستهنگ یێن ههیین ژ ههمی لایان ڤه، ژ حوكمهتێ بگره حهتا دگههیته لایهنێن سیاسی و ههتا مللهت ب خوه ژی یێ بێ كێموكاسی نینه؟ چونكی ههمی گازندان ژ ههمیان دكهن و كهسێ ژ كهسێ رازی نینه ب شێوهیهكێ گشتی!؟ ژ بهر چ؟ ژ بهر هندێ یه كو ئهڤه ژ سالا ١٩٩١ وهره كوردستانا مه یا ههلاویستیه و ژ رۆژا كۆمارا ئیراقێ هاتیه دامهزراندن ههتا ئهڤرۆ ئێك حوكمهتا وێ ژی ب دل و گیانهكێ سپی و پاقژ سهرهدهری د گهل مه كوردان و سهركردایهتیێن مه نهكریه و چ جاران ژی ل هیڤیا هندێ نهبن كو رۆژهك بهێت و سیاسهتمهدارێن ل بهغدا دهستههلاتداریێ دگێرن بهرژهوهندیا مه كوردان بڤێت.. مهگهلهك سهربۆرێن ل گهل وان دهستههلاتداریا ههین و مخابن ئێك ژی نینه كو بهحس لێ بكهین و بێژین دلێ مهپێ خۆشه، ههمی د تهعل و پری نهخۆشی و كارهساتن بۆ مه كوردێن باشوور و یا ژ دهستێ وان هاتی دژی مه و هیڤیێن مه یا كری و نوكه ژی ئێكێ مینا مالكی د خۆرا ببینیت دێ زارۆیێن د لاندكێن مه ژی دا سهرژێكهت و مه ههمیان برینیت، چونكی مێشكێ دیكتاتۆریهتێ و دژایهتیكرنا كوردان یا خوه د سهری دا چهسپاندی، ههر چهنده كوردان كره مرۆڤ و نان ددایێ، لێ مخابن نانێ مهیێ بێ خێ یه بۆ گهلهكان ئهوێن ب سودفه دهستههلاتا ئیراقا مال خراب دكهڤیته د دهستێن وان دا!! لێ..د سهر هندێرا دڤێت ئهم بهرامبهر وان دوژمن و نهحهزان پیچهكا گازندێ ژ خوه ژی بكهین كو مه دهرفهت و رێك بۆ وان خۆشكر ههتا كو ئهڤرۆ دوژمنێن كوردان ل بهغدا پتر بن ژ دۆستێن وێ ئهوێن دهستههلاتداری د دهستی دا و بۆ نموونه دێ شاسوارێ كهس نزانیت كا مال و مالیهتێ خوه ل كوردستانێ ژ كیڤه ئینایه ئهڤرۆ یێ كوردستانێ ب ئاخ و مللهت ڤه دفرۆشیته بهغدا وچهند سیاسهتمهدارهكێن ئیراقێ تنێ بۆ هندێ داكو دژایهتیا ریفراندۆمێ و سهرخوهبوون و ئیرادا ڤی مللهتی بكهت!! ژ بهر ڤان ئهگهران ههمیان و داكو ئهم ڤێ دهرفهتا دیرۆكی ژ دهست نهدهین و بۆ مللهتێ كورد دیار بكهین كو قورتالبوونا مه ههمیان یا د دهولهتبوونێ دا.. دهما ل ٢٥/٩ مللهتی ب بهلێ دهنگ دا بلا ههمی د وێ باوهرێ دابن كو كوردستانا نها یا كو ئێك تشتێ خوارنێ یێ عهسلی تێدانه و ئێك جادا باش نینه و ههتا كهرهفسا وێ ژی ژ وهلاتێن دهوروبهر دهێت !؟ ئهڤ تشته ههمی نامینن ئهگهر بووینه دهولهت و بووینه ئهندام د نهتهوێن ئێكگرتی و رێكخراوێن سهر ب وێڤهدا.. بلا ههمی د وێ باوهرێ دابن كو دێ پاشهرۆژا مه زۆرا گهش و خۆش بیت، دهولهت بوون چۆكهرێ مه كوردایه ئهم پشتی خهباتا ب دههان سالان ب كاربینین ل دژی دوژمن و نهحهزێن ڤی مللهتی، دهنگدان ب بهلێ بۆ سهرخوهبوونێ و راگههاندنا دهولهتا كوردستانێ دووماهیك رێیا مهیه داكو ژ ههمی نهخۆشیا قورتال بووین.. ئهم ب هندێ ڤه وهستیاین ل گهل بهغدا رێككهڤین ههتا دووماهیێ چونكی بهغدا و ئهوێن حوكمی ل بهغدا دكهن د مهزاجینه و رۆژهكێ یێ ل گهل مه و ب سالان دژی مهنه..ئهڤ حهیس و بهیهسه یه؟ ما ههتا كهنگی؟ ئهم نابێژین یێ ل رۆژا ٢٥/٩ بۆ كوردستانێ و مللهتێ وێ وژدانا خوه ب كارنهئینیت و بێژیت بهلێ بۆ دهولهتبوونێ خاینه؟ نهخێر چونكی د پشتراستین دێ دهنگێن دلسۆز و خهباتكهر و وهفادار و خهمخۆرێن كوردستانێ و مللهتێ وێ پتر بن ژ دهنگێن نهشازێن مینا شاسواری و چهند كهسێن بۆ پارهی ل دهوروبهرێن وی خرڤهبووین!! بهلێ بۆ بهلێ یا چارهسهر و قورتالبوونێ..
