ئهم و ئهو خارجا نهخۆشه!؟
چ جاران باوهر ژ وی كهسی نهكهن یێ دبێژیته ههوه كو غهریبی یانهخۆشه!، ل ڤێرهمن بهحسێ وێ غهریبیێ یه یا كو مرۆڤ ب دهست و دلێ خوه بۆ خوه دههلبژێریت وهكو مه رهڤهندا كورد ل ئورۆپا و وهلاتێن دی یێن جیهانێ و چ وهلاتان هیڤی ژ مه نهكربوو كو بچین قهستا وان بكهین ژ بلی 10% كو وان وهلاتان ب فهرمی ئهو برینه و ئێكسهر مافێ پهنابهریێ دایێ، لێ ئهم ئهڤێن دی یێن مه ل قهرهمی و بهر و بهحر و جهوا دایی و مه مهسرهف كری و ترس و برس و نهخۆشی دیتین، ههتا گههشتینه وان وهلاتان، مه چ جاران ماف نینه بێژین غهریبی د نهخۆشن؟ چونكی ئهڤ غهریبیه یا مهب حهزا دلێ خوه ژێ گرتی و مه مرنا ب چاڤێن خوه دیتی ههتا گههشتینێ و ژ نوى ل دیوانان بێژینه خهلكهكی و الله غهریبی مرنه؟یا نهخۆشه؟ یا ب زهحمهته؟ بۆ من ب خوه ئێك رۆژ ئورۆپا یا نهخۆش بیت چ ژ رێكێن زڤرینی ب ساناهیتر نینن، من ئیقامه ههبیت چمه فرۆكخانێ پلێتهكێ كڕم و ل ههڤلێرێ یان سلێمانیێ هێمهخار، مانێ دهۆكێ ههر نینه و نابیت ژی سهر ڤی دهستوداری؟ و یێ ئیقامه ژی نهبیت ههما بچیت بێژیته حوكمهتا وهلاتێ لێ دژیت من دڤێت بزڤرمه وهلاتێ خوه؟ دێ دهست و تبلێن وی ماچی كهن و پارا ژی دهنێ و پلێتا تهیارێ ژی بۆ كڕن، ئهڤجا كابرایێ ته مولك و مالێ خوه و ههیی نهیێ خوه فرۆتی و شۆلێ و وهزیفا خوه هێلای و قهستا ئورۆپا كری و بۆ من دروینی ل دیوانا بێژی و الله ئورۆپا یا نهخۆشه و غهریبیێ ئهم كوره كرین!! ههكه ته پیچهكا ئاقلی ههبا ڤیا با تهزانی با كو دێ غهریبیێ بینێ؟ و دێ ل كهمپا رهزیل بی و دێ تهوالێت و حهمام و ئامانا شۆی و پاقژ كهی؟ دێ ل گهل بیانیان د ژۆرهكێ نڤی و نه شهرته ل دووماهیێ ژی ئهو چیرۆكا ته بۆ خوه دروستكری حاكم باوهریێ پێ نهئینیت و گهرد و رهفزهكی ل ناڤ چاڤێن ته بدهت و چونكی ته بهصمهیا وی وهلاتی یا ههی چ وهلاتێن دی تهقهبوول ناكهن و كیڤه بچی دێ ههر ته زڤریننه وی وهلاتی، ب تایبهت وهلاتێن شنگن؟! ڤێجا جهنابێ تهچاڤ تاریكانی یێ هاتیه خارج و یا ژ تهڤه ههما دێ ل دهرگههی پێشوازیا ته كهن و لجۆئا ته و خانی دهنه ته و راتب و دێ پاشی بۆ خوه ترومبێلهكی ژی كری و فهڕڕا پێ ڤهدهی!! دڤێت ته ئهڤ هزره ههمی كربان و هاتنا خوه یا خارج باش باش دیراسهت كربا، ژنوی ته خانی فرۆت با و وهزیفه و شۆلێ خوه هێلابا!! نه بۆ من چاڤكورهكانی قهستا خارج بكهی و پشتی مهحكهمی لجۆئێ نهوهرگری رابی ل دیوانان بێژی ئورۆپا یا نهخۆشه!! غهریبی یا نهخۆشه!! باشهما مهعقوله بهری تو نههێیه خارج، ته بۆ خوه پسیارا كهسێ نهكر كا یا چاوایه؟ تهكهس نهبوو ل وێ ئورۆپا و خارجێ بۆ خوه پسیار ژێ كربان بهری ل قهڕهمی نهدهی؟ یێ تو پسیار نهكهی پا دێ ب خوه؟ كوردستان بۆ ته یا نهخۆش بوو؟ ئورۆپا غهریبیه و یانهخۆشه؟ هیڤیه باش هزرێن خوه بكه دا بزانین ته ب دروستی چ دڤێت دا بشێین بهرسڤا تهبدهین..
