ئهم و ئهو دهولهتبوونا مللهتان د دهستێ كێ دایه؟
هندی من بیره وهلاتێن زلهێزێن ڤێ جیهانێ بهحسێ مافێ مرۆڤان و مافێ چارهنڤیسێ گهلان و دیمۆكراسیێ و پێكڤهژیانێ دكهن و وهسا خوه ددهنه نیاسین كو ئهو سهركێش و پشتهڤان و هاریكارێن ههمیانه بۆ بدهستڤهئینانا وان مافان، كۆنگره و كۆنفرانسێن مهزن دگرێدهن پێخهمهت هندێ زولم و زۆرداری و برس و ترس و كوشتن نهمینیته ل ڤێ جیهانێ و ژ بهر ڤێ چهندێ ب ملیاران پارهی خهرج دكهن بێی كو ههتا نوكه مه گوهلێ ببیت كو یێن شیاین هاریكاریا نهتهوهكێ یان مللهتهكی بكهن!؟ بهروڤاژی هندێ، جیهان و ب تایبهتی رۆژههلاتا ناڤین رۆژ بۆ رۆژێ یا بهر ب نهخۆشیان دچیت و رهوشا گهلێن وێ یا نهخۆش دبیت، نهخاسمهل وهلاتێن عهرهبی یێن كو ههتا نوكه دشێین بێژین كو هندهك ژ وان تهنێ ب ناڤ ماینه وهلات و ئێك ژ وان وهلاتان عیراقه.. عیراق ئهو وهلاتێ ئهم كورد تێدا دژین و مه ههمی ههول و بزاڤ كرین كو ل گهل عهرهبێن وێ ل سهر خاكا وێ ژیانا خوه ب برایانه برێڤهببهین، لێ وهسا دیار بۆ كو ئهو تشت مهحاله و نابیته راستی و جیهان ههمی ڤێ راستیێ دزانیت، لێ چاڤان لێ دنقینیت ژ بهر بهرژهوهندی و وهلاتێن خوه! ههر سیاسهتمهدارهكێ بیانی تو ب تنێ ل گهل بئاخڤی و بێژیێ عیراق ئێدی نهجهێ ژیانهكا ئارامه بۆ خهلكێ وێ ب ههمی نهتهوێن خوه ڤه، دێ بێژیته راسته و نازڤریت وهلاتهكی تهنا و ئارام. لێ دهما تو دبێژیێ ئهم كورد دێ خوه ژێ جودا كهین؟ دێ ژنوی حاسیبا خوه ئینیته دهرێ و حسابێن خوه كهت كا ههكه كورد ژ عیراقێ جودابوون دێ چ گههیته وان و چهندێ قازانج كهن و دێ چ خوسارهتیا دهن!! ل دووماهیێ دێ بێژیت ئهم ل گهل عیراقهكا ئێكگرتنی نهوهكو ههلویستێ وهلاتێ خوه یێ فهرمی دێ دهتهدیاركرن!! باشه ئهم كورد د ڤی حالهتی دا چ بكهین؟ و ههتا كهنگی دێ بێهنا مهیا فره بیت ل گهل عیراقێ و ڤان سیاسهتمهدار و وهلاتێن وان؟ لهوما ب دیتنا من دڤێت ئهم بمینینه سهر ههلویستێ خوه و دهستا ژ سهرخوهبوونێ بهرنهدهین ب تایبهت پشتی خهلكێ كوردستانێ ئاخفتنا خوه گۆتی و رێژا ٩٢.٧٣٪ حهزا خوه دیار كری كو دهولهتبوون و جودابوون ژ عیراقێ دڤێت، نوكه تهپه یا د یاریگهها وهلاتێن زلهێز دائهوێن سهرێ مههێر كری هندی بهحسێ مافێ مرۆڤا و مافێ چارهنڤێسێ وان دكهن و رۆندكێن تیمساحا بۆ گهلان دبارینن، دێ وهرن كهرمبكهن ئهڤه مه ههمی تشت كرن و ریفراندۆم سهركهفتیانه ئهنجامدا و ههمی یێ دبێژن مه عیراق نهڤێت، دێ وهرن بۆ مه ژی وهلاتهكی ب ناڤێ كوردستانێ دروست بكهن، كا چاوا ههوه بهری نێزیكی پێنچی سالان و شێست سال و حهفتێ سالا ئهڤ وهلاتێن عهرهبی دروستكرن و دانان، مه ژی ئهڤرۆ وهلاتهك ژ ههوه دڤێت و نهترسن دێ بهرژهوهندیێن ههوه وهكو بیبلكا چاڤێن خوه پارێزین، هوون دشێن، لێ نزا ههوه خوه ل چ گرتیه؟ لێ بزانن ئهگهر هوون نهكهن، ئهم دێ ههر داخوازا دهولهتبوونێ كهین تا كو دهێته راگههاندن، زهحمهتا مهزن د ههمی دیرۆكا كوردان ئهو بوو مه چ جاران ب فهرمی وهكو ڤێ جارێ نهكریه، لهوما باوهر بكهن ئێدی مللهت ب خوه دهستان ژێ بهرنادهت.
