ئهم و ئهو دێ كهنگی ئهڤ فلمه ب دووماهی هێت!؟
گومان تێدا نینه كو ژیانا خهلكێ روژههلاتا ناڤین، مینا فلمێن سینهمایی یه، جاران وهكو فلمهكێ هۆلیوودی و جاران ژی وهكو فلمهكێ بولیۆدی دهێته نیشادان و تهماشهڤان و ئهكتهر و كومبارس و نڤێسهر و دهرهێنهر ههمی ب ناڤئێك دكهڤن حهتا وێ رادێ مرۆڤ نزانیت كا رۆلێ مرۆڤی یێ دروست د وی فلمی دا چیه؟ ئهكتهره؟ تهماشهڤانه؟ دهرهێنهره (ههر نابینه ئهو؟) نڤێسهره؟ كۆمبارسه؟ یانژی وهكو ب كولانكانی دبێژن (بهتهلِ فلم) ـه یان (رهئیس عهسابهیه؟)..لێ تشتێ ههتا نوكه ئهز تێگههشتیم ئهوهكو ئهف فلمه ژ وان سهدان فلمێن جۆراوجۆرێن من د ژیانا خوه دا دیتین یێ جودایه و هێشتا كهس ب دروستی نزانیت دێ دووماهیا وی چ بیت؟ ل ڤێره وهكو كوردهك من دڤێت بهحسێ رۆلێ مه كوردان بكهم د ڤی فلمێ درامی و كۆمێدی و ئهكشن و رۆمانسی دا. ههلبهت رۆلێ مه ژی ل دووڤ حهزا دو كهسێن سهرهكی یهیێن كو دبێژنێ نڤێسهر و دهرهێنهری، ژ بهر كو تشتێ ئێكێ یێ ههتا نوكه تێگههشتین ئهوه كو دڤێت ئهم ل دووڤ حهزا وان بچین دا ههردهم مه بكهنه بهتهڵ فلم و ههكه نه دێ ههرگاڤ د چاڤێن تهماشهڤانان دا رهئیس عهسابهبین و هوون دزانن چهند جیاوازیا د ناڤبهرا سومعهتا بهتهڵ فلمی و رهئیس عهسابه دا یا ههی؟ درێژ ناكهم.. وهكو یا زانا ئهڤه ب درێژاهیا چهندین سالان بۆ مه كوردان رۆلێ بهتهڵ فلمی دئینا و ئهم ببووینه ئهكتهر و قارهمانێ سهرهكیێ ههر فلمهكێ هاتبا دروستكرن ل دهڤهرێ و گههشتبوو وێ رادی ئێدی خوه كهربێن تۆم كرۆز و ئامیتاب باباجانی ژ مه كوردان ڤهدبوو بێی كو ئهم بزانین؟ مه ژی ههر خوه ب هندێ قانع دكر و دگۆته خوه ئهڤه بهرههمێ خهباتا مهیه، ئهڤ چهنده ژی راسته، چونكی ب راستی بهرههمێ خهباتا بزاڤا رزگاریخوازا گهلێ كورد بوو ب سهرۆكاتیا بارزانیێ نهمر و سهرۆك بارزانی و پێشمهرگێن قارهمان، لێ دڤێت ل ڤێره ئهم كورد دانپێدانێ ب هندێ ژی بكهین كو مه ژی تێرا خوه خهلهتی كرن؟ یا ژ هندهكان ڤه ئهڤا نوكه روو ددهت ژ بهر ریفراندۆمێ یه؟ دبێژمێ نهخێر.. خوه مه ریفراندۆم ژی ئهنجام نهدابا دا ئهڤ ئالۆزی و شهره ههر هێته روودان، چونكی ژمێژه سیناریۆیا وێ هاتبوو نڤیسین و دهرهێنهری كارێ خوه دكر بۆ وێنهگرتنێ، لێ شوونا ڤێ جارێ ژی وهكو ههر جار مه كوردان بكهنه بهتهڵ فلم، رۆلێ رهئیس عهسابهی دا مه و چونكی ئهم چ جاران ب وی رۆلی نهرابووینه و مه قهبوول كر، مه رۆلێ خوه وهكو وان دڤیا جێبهجێ نهكر، لهوما زهرهر مهندبووین د فلمێ ڤێ جارێ دا و سهرا هندێ ئهزێ پشتراستم كو دێ فلمێ ڤێ جارێ فهشهلهكا مهزن ئینیت، چونكی خاپاندن و خیانهتكاری د ناڤهرۆكا فلمی دا هاتبوو نڤیسین و بهری نوكه ههر بهحس لێ نههاتبوو كرن! تشتێ تهحل ئهوه كو دێ ئهڤ فلمه دۆم درێژ بیت و شوونا ل پاشهرۆژێ بێژینێ فلمهكی سینهمایی دێ ناڤ هێته گوهۆرین و بیته زنجیرێن تهلهڤزیۆنی، چونكی دێ زۆر درێژ بیت ههتا دووماهیهك بۆ دهێتهدانان!؟ بابوكالێن مه زارۆ بوون دهمێ ڤی فلمی دهستپێكری و ئهڤه ئهم ژی بووینه باب و باپیر و هێشتا ئهو فلم یێ دهێته وێنهكرن و سیناریۆیا وی بهردهوام یا دهێتهنڤیسین، ئانكو دهێته چاڤهرێكرن كو دبیت نهڤی چڕكێن نهڤیێن مهژی بگههن ڤی فلمی ببینن و رۆلهك تێدا ههبیت د پاشهرۆژێ دا، لێ پا ترسا من ئهوهكا چاوا ئهم ئهوێن نوكه مه خهلهتی كرن و باوهریا خوه ب هندهكا ئینا نهجهێ باوهریێ نه، ئهو ژی ههمان خهلهتی وی دهمی دوباره بكهن و هۆسا دێ ئهو ب خوه دهلیڤێ خۆشكهن بۆ بهردهوامیدانێ ب ڤی فلمی و ئهو ژی وهكو مهنزانن كا دێ رۆلێ وان چ بیت د فلمی دا؟ بهتهڵ فلم یان رهئیس عهسابه؟ دووماهی هیڤیا مه ژی وهكو كورد ئهوهكو ههمی بهلا خوه ژ مه ڤهكهن و بهێلن ئهم ژی وهكو خهلكهكی ئاسایی د ڤێ ژیانێ دا بژین و پاشهرۆژا زارۆیێن خوه دانینن..
