ئهم و ئهو كهس ههڤالێ یێكهتی نینه!؟
گهلهك نهڤهكێشا ههتا ههرێما كهتهلۆنیا ل ئیسپانیا پشتی ریفراندۆما مه كوردان ب چهند رۆژهكان، وانژی ریفراندۆما خوه ئهنجام دا، ههلبهت ئهنجامدانا ڤان ههردو ریفراندۆمان د ماوێ چهند رۆژهكان دا، جیهان ههمی تێكشێلا و راستیا ڤێ جیهانێ بۆ خهلكی دیاركر كو ههمی وهسا خوه ددهنه ناسین كو ئاشتیخوازن، دیمۆكراسیهت رێیا وانه، پارێزهرێن مافێن مرۆڤانه، دژی خوینرێتنێ نه، ئهڤه ههمی بهری ئهنجامدانا وان ههردو ریفراندۆمان؟ لێ پشتی ریفراندۆما ههردو ههرێمێن كوردستانی و كوردستانێ مهجیهان ب شێوهیهكێ دی دیت! مافێ گهلان بۆ كهسێ نینه! ههر نهتهوهیهكا د سنۆرێن وهلاتهكی دا بژیت خوه رهوشا وی چهندا خراب و ئالۆز بیت دڤێت و نهڤێت، دڤێت بمینیته د چارچووڤێ وی وهلاتی دا ههتا مرنێ!. بۆ وهلاتێن زلهێز نهخهمه عیراق بۆ كوردان یا خۆش بیت یان یا نهخۆش بیت؟ ئهو موشكیلا وان نینه، یا كوردانه! لێ دڤێت ههر بمیننه دچارچووڤێ عیراقهكا ئێكگرتی دا و كهتهۆونیا ژی ههر بمینیت ههرێمهك د ناڤ سنۆرێن ئیسپانیا دا!. كهسێ هندی مهكوردان خزمهتا عیراقێ و ئهمریكا و توركیا و ئیرانێ و ئهورۆپا نهكر، ههتا گههشتیه وێ رادێ مهشهر پێش ههمیان ڤهدكر بێ كو بێژینێ وهرن وهرهقهكی بۆ مه ئیمزا بكهن كو دێ هوون ژی ل تهنگاڤیا هاریكاریا مهكهن؟ مه ههر هۆسا یا خوه دیتی چونكی ئهم باوهریا خوه ز وی ب ههمی كهس و وهلاتان دئینین و مه چ سیاسهتا دارێژكری بۆ پاشهرۆژێ نهدانابوو (خوه بێهنڤهدانێن كوردستانێ بهری هینگی ب رۆژهكی دهێنهبهلاڤكرن!!)، مه سیستهم نهبوو؟ مه ههمیان ههر ئێكی ژ لایێ خوهڤه كوردستان دخار و لهقێن مهزن لێددان بێی كو نهزانین كو ئهم یێ لهشێ خوه دخۆین؟ و یامای ژی مهكره دیاری بۆ دوژمنێن مهدگوتێ ههڤال!؟ مه گهلهك دوژمنێن ناڤخوهیی و ژدهرڤه بۆ خوه دروستكرن و ههمی ژی ژبهر پارهی و پرۆژان و داهاتی و خهرجیات! مه ههمیان پێكڤهبارێ سهرۆك بارزانی زۆر زۆر گران كر كو تاكه سهركرده بوو شیای ببیته كهسهكێ باوهرپێكری ژ لایێ مللهتی ڤه.. ئهڤرۆ دڤێت ئهم مهلاقیێ و لایهنگریێ و حزبایهتیێ بهێلینه لایهكی و دانپێدانێ ب هندێ بكهین كو مه كارتێكرنێن مهزن ههبوون د ئهڤا نها ل كوردستانێ روو ددهت؟ كهس مه نانیاسیت، ههمی سهرۆك بارزانی دنیاسن، لهوما وهكو ههر جار بارێ ههرهگرانێ ڤێ دۆزهخێ یێن ل سهر ملێن سهرۆك بارزانی و كهسێ دی نه من باوهرهكا چاوا ئهم گههاندینه بلندترین ئاست، دێ مهزڤرینیتێ ڤه و دێ كوردستان و سهرۆك ههر ب سهركهڤن، لێ پاش دڤێت ب شهفافیهت حهق و حساب بهێتهكرن و ئهڤا ههتا نوكه دهاتهكرن ژ لایێ بهرپرسێن بازرگان ڤه بلا بهس بیت. هیڤیدارین ژ سهرۆكێ خوه كو پشتی ئهم ژ ڤێ قووناغا نهخۆش دهرباز دبین سیستهمهكی نوو بۆ كوردستانا مه بدانیت چونكی ههر ئهو بوو و دێ ههر مینیت تاكهسهركردێ مه ههمیان باوهری پێ ههی.. ل دووماهیێ دڤێت ئهم كورد ڤێ راستیێ بزانین كو د جیهانا ئهڤرۆ دا كهس ههڤالێ یێ كهتی نینه و دڤێت باوهریا خوه زوی ب زوی ب كهسێ نهئینین. ئهم كورد ئهڤرۆ یێن كهتین، لێ كهفتنهكا دهمكى یه و دۆمدرێژ نابیت، چونكی دێ گوهۆرینێن مهزن ل ڤێ دهڤهرێ هێنهكرن و دێ ههمیێن ئهڤرۆ دبێژن ئهم دگهل عیراقهكا ئێكگرتی نههێن و دهستێ مه كوردان و سهرۆكێ مهماچی كهن و بێژن هاریكاریا مه بكهن، وی دهمی دڤێت ب قهلهم و وهرقه و ئیمزا بیت، نهك تهنێ پشتبهستنێ ب گۆتنان بكهین؟
