ئهم و ئهو كوردستانهكا سۆیسری مه دڤێت!؟
پشتی ئهنجامدانا ریفراندۆمێ ود هنگدانا مللهتی ب رێژهیهكا مهزن ب بهلێ بۆ دهولهتبوونێ، ئهم چووینه د قووناغهكا زۆرا نازك دا و نوكه چاڤهرێی راگههاندنا دهولهتێ ینه.. ژبلی هندێ كا دێ چ بیت وچ نابیت و ههلویستێن توندێن دهوروبهر و جیران و چهند وهلاتێن ههولین هندێ ددهن بهرژهوهندیێن خوه بپارێزن و بۆ وان خهم نینه كوردستان ببیته دهولهت یان نه!! دڤێت ئهم كورد رێبازا دهولهتبوونێ بهرنهدهین و كار بۆ هندێ بكهین كا دێ ب چ شێوه دهولهتا خوه ئاڤاكهین و برێڤهبهین داكو بكهینه ئێك ژ دهولهتێن پێشكهفتی و دیمۆكراسی وببیته نموونه ل وێ دهڤهرا پری ئالوزی و ئاریشه د ناڤبهرا حوكمهت و مللهتێن دا وێ ژلایهكی و د ناڤبهرا یێن دهوروبهران و ههتا دوور ژی، زۆر وهلاتێن ههین رهوشا وان ژ لایێ زمانی و زاراڤ و ئاین و كلتوور ڤه مینا كوردستانێ نه و ژ بهر كو ئهز ل سۆیسرا دژیم دبینم كو ئهڤ وهلاته جوانترین نموونا پێكڤهژیانێ و دیمۆكراسیێ یهل سهرانسهر جیهانێ و ئێك ژ وهلاتێن دهولهمهند و پێشكهفتی یه و ئهگهر كوردستان ههمان سیستهمێ وێ بكاربینیت دێ وهلاتهكێ زۆرێ پێشكهفتی بیت ژ ههمی لایان ڤه، لێ چاوا دێ كوردستانێ وهكی سۆیسرا لێ كهین؟ بێ گومان دهمهكێ درێژ پێدڤێت ههتا شهنگستهكی ب هێز و ژ لایێ خهمخۆر و شارهزا ڤه بهێتهدانان و ئێكهمین بلۆكێ ئاڤهدانكرنا كوردستانهكا سۆیسری دڤێت ژ كهرتێ خواندنێ دهستپێبكهت، ههر وهلاتهكێ دڤێت خوه ئاڤا بكهت و ب هێز بێخیت دڤێت ههمی هێز و شیانێن خوه تهرخانبكهت بۆ پێشڤهبرنا خواندنێ، بۆ نموونه خواندن ل سویسرا ههتا ژیێ 18 سالیێ ئیجباری یه و ههتا دهیك و بابا مافێ هندێ نینه زارۆیێن خوه ژ خواندنێ دووربێخن و ئهو خێزانا نههێلیت كور یان كچا وان بچیته قوتابخانێ دێ ژ لایێ حوكمهتێ ڤه ژێ هێته ستاندن و ئهو ب خودان كهن، پۆلیسێن سۆیسرا مافێ ههی ههر زارۆ یان سنێلهكی یان گهنجهكێ د ماوێ دهمژمێرێن خواندنێ دا ل ڤی وهلاتی ل سهر جادێ ببینن پسیار ژێ بكهن بۆچی تو ل قوتابخانێ نینی ودێ ب دووڤ ئهگهرا چن و كهنه شۆلهكا مهزن، چونكی دبێژن مهنهڤێت ل پاشهرۆژێ ئهڤ وهلاته بكهڤیته د دهستێن نهزان و نهخوێندهواران دا و كهسهكی نزانین ناڤێ خوه بنڤیسیت!! ل سویسرا سێ زمانێن سهرهكی یێن ههین و زۆر د ژێكدوورن (ئهلمانی، فهرهنسی، ئیتالی) ژبلی زمانهكێ دی دبێژنێ رۆمانشی لی تهنێ 1% ژ خهلكێ سۆیسرا پێ دئاخڤیت لێ وهكو رێزگرتن بۆ وان دهێته هژمارتن، زمانێ چارێ یێ فهرمی ل سۆیسرا، سهرهرای هندێ كو چار زمانێن فهرمی یێن ههین، ههر دهڤهرهك ب زمانێ خوه دخوینیت و وان دهڤهران رادیۆ و تهلهڤزیۆن و رۆژنامه و كۆڤارێن خوه یێن ههین. ل سۆیسرا ژبلی بارهگایێ حوكمهتا و پهرلهمانێ فیدرالی مهرج نینه ههمی دامودهزگههێن دی ژی ل پایتهختێ وێ بن؟ نهخێر ههر دهڤهر و باژێرهكی دهزگهههكێ گرنگێ لێ دانای، بۆ نموونه دادگهها وێ یا ئیتیحادی یا باژێرێ لۆزان.
