ئهم و ئهو كوردستان و خوارن!
ئهو نێزیكی پێنچ سالان بوو ئهز نه هاتبوومه كوردستانێ و ل ڤێ هاڤینێ بۆ دهمێ ههیڤهكێ من چاڤێن خوه ب دیتنا وێ و خهلكێ وێ كلدان.. راسته من چاڤ كلدان، لێ دل نهخۆش بوو ژ بهر وێ كوردستانا من ڤێ جارێ دیتی؟ من گهلهك تشت دیتن بهری نوكه ل دهف خهلكێ وێ نهبوون و ههمی ژی د دل ئێش بوون ب راستی، ئێك ژ وان تشتێن من دیتی و شاخ ب سهرێ من ڤهئینانین شێوێ خوارنێ بوو ل كوردستانێ!! ژ بلی وهلاتێن عهرهبان مینا عهرهبیا سعوودی من چ مللهت وهكو مه كوردان نه دیتیه هنده خوارنێ دخۆن و یێ مای دهاڤێژنه د زبلخانان دا كو سێ چار جاران هندی وێ یه یا خواری!؟ ژ من وهره چ مهدحه و شارستانی د هندێ را نینه زاد و نعمهت ب ڤێ رێژهیا مهزن بهێته هاڤێتن و زهعێكرن و خهلكهك ژ بهریكا خوه حهقی وێ خوارنێ ددهت ل خوارنگههان و دهمێ ژ خوارنگههێ دهردكهڤیت دێ ل بهرامبهر فهیسبۆكی ول دیوانان روینیت و دێ بهحسێ قهیرانێ كهت!! ب راستی من ب خوه چ قهیران ل كوردستانێ نهدیت، من سهرهدانا ههمی تهخوچینان كریه ژ بهرپرسێن مهزن و خهلكێ حال زهعیف و ههژار و چوومه مهزرهعا و گۆندان و خانیێن تهجاوز، لێ بۆ خودێ من چ قهیران نهدیتن.. من زۆر مامۆستا و فهرمانبهر دیتن و رهوشا وان و من روی ب روی دگۆته ههمیان كو قهیران ل كوردستانێ نینه، هوونن قهیرانێ دروست دكهن!! دێ هندهك بێژنه من كو ههژار یێن ههین؟ بهلێ ل ههمی وهلاتێن جیهانێ ههژارێن ههین.. ل ڤێ سۆیسرایا ئهز لێ دژیم ههژار یێن ههین. ل ئهمریكا و ئهورۆپا ژی ههژارێن ههین و ل كولانان دگهرن و پارێ نانی نینه بخۆن و لسهر جاددان دنڤن، ئهڤجا ل كوردستانهكا ئهڤه هنده ساله دوژمن ناهێلن تهنا و رحهت بیت دێ ههژار ههبن، لێ پا بلا دراستگۆ بین ل گهل ئێك نێ خوه ههژارێن مهژی دبهتڕانن!! ههژارێ مه چاڤلێكرنا زهنگینی دكهت!؟ چاڤێ من ته پێچێنابیت..پێن خوه ل دووڤ بهڕكا خوه درێژ بكه، بهرێ خوه بدهیێ ژ خوه خرابتر نهیێ ژ خوه زهنگینتر، خۆزی و سهد جاران خۆزی خهلكێ كوردستانێ و حوكمهتێ چاڤخشاندنهك د سیستهمێ ژیانا خوه دا كربا و چاڤلێكرنا عهرهبان نهكربا د خوارنێ دا و سنۆرهك بۆ هاتبا دانان، چونكی ئهگهر ب ڤی شێوهی و سیستهمی بهردهوام بیت ههما خودێ هاریكاریا ڤی مللهتی ناكهت بگههیته ئارمانجێن خوه و ئهگهر ئهو خوارنا ل كوردستانێ دهێته هاڤێتن بۆ ماوێ ههیڤهكێ بهێته خڕڤهكرن، دێ بۆ ماوێ وێ ههیڤێ نیڤهكا كێشوهرێ ئهفریقیا پێ هێته بخودانكرن..
