ئهم و ئهو مایتێكرن.. ئهز و خودانێ دهقا؟
ئهم و ئهو
مایتێكرن.. ئهز و خودانێ دهقا؟
دبێژن حهفت مفا یێ د سهفهرا دا ههین، لێ ب دیتنا من ب خوه دبێژم نهك حهفت بهلكو حهفتێ مفا یێ د سهفهرا دا ههین..چاوا؟ ل دهف مهل كوردستانێ و ل عیراقێ و رۆژههلاتا ناڤین ب گشتی، ههمی دشێن مایێ خوه د دیێ دی بكهن و مه ئهو تشت زۆر ب نۆرمالی وهردگرت.. ههلبهت من ل ڤێره قهد بهحسێ مالا مرۆڤی نینه كو ژ دهیك و باب و خووشك و برا پێكدهێت، نهخێر.. من بهحسێ وان كهسانه یێن ژ چارچووڤێ خێزانا مرۆڤی یا بچووك دهردكهڤن.. دهمێ ئهز ل كوردستانێ، ههمیان ماف ههبوو مایێ خوه د ژیانا من و خێزانا من دا بكهن و ڤێ چهندێ ژی گڤاشتنهكا سلبی ل سهر ژیانا من دكر. ئینا منژی ماف د دا خوه ئهز مایێ خوه د ههمیان دا بكهم!! ژ خێزانێ بگرهو مام و خال و مهت و نفشێن وان و دوست و ههڤال و یێ من مهرحابهیهك ل گهل ههی من ماف ههبوو مایێ خوه تێ بكهم!! ئێشهكه و د ناڤا مه دا یا مشهیه..لێ پشتی ئهز هاتیمه خارج (وهكو دبێژنهمه) ئێكهمین دهرس (بابۆ وانه بیت.. دێ نوكه هندهك بێژن..دهرس ب كوردی وانهیه..دزانم جهرگێ من، لێ من دڤێت ب زمانێ جادێ بنڤیسم..قوربان) ئهز فێر بوویم ئهو بوو كو من ماف نینه مایێ خوه د ژیانا تایبهتا كهسێ دا بكهم.. چاوا من ئهڤ دهرسه گرت؟ دێ بێژمهههوه.. پشتی من مافێ پهنابهریێ وهرگرتی و ل گهل وێ من ماف ههبوو خێزانا خوه بینم و بوومه خودان مووچهكێ باش، ژ وان مووچهیێن چ جاران نهبیته نووچه!؟ و تشتێ ههره گرنگ ئهو بوو دێ بهلا من و كهمپان ژێكڤه بیت و دێ بمه خودان خانی.. تهبعهن ب زمانێ سفڕین و چ ژێ نزانین و خوه مه نهدزانی بێژینه جامێرهكی مهرحهبا؟ چاوانی باشی ب زمانێ وان..ئینا ژ بهر هندێ كابرایێ مهسئولێ مه ل سۆسیالێ: گۆت من پهیوهندی یێ ب خۆبهخشهكی كری دا بهێت ل گهل ههوه بۆ وه ل خانیان بگهریت و..، گهلهك مهتحێن وی كرن.. خۆش مرۆڤه؟ مهشرۆب ڤهخوره!! حهشیش كێشه؟ ههمی دیسكۆ وی دنیاسن!! برایێ وه ژی یێ ژ دهۆكێ هاتی، خوه خودێ ژێ رازی خدرۆی و نیهۆی ماف ههبوو مایێ خوه د من و ژیانا من بكهن و گهلهكی ئهزمان درێژم؟ من گۆتێ: ئهبهددددد..موستهحیلللللله..چاوا دێ ئهڤه بۆ مه ل خانی گهریێت؟ ئینا كابرای ب سانااااهی گۆته من: ههكه ب دلێ تهنهبیت خوه بده لایهكی ل گهل نهچه، باشتره دێ ئێك ژێ كێم بیت و بارێ وی سڤك بیت!! ئهز ژی سۆتم ژ كهمپا قورتال بم..من داعویرا و گۆتێ نهنه دێ چم..حال چ حاله ئهز ژ وی پتر ڤهدخۆم؟ بهلی پا هێشتا كورێ دهۆكێ خوه د ناڤ لهشێ من دا دگهڤزاند!! رۆژا پاشتر سپێدێ چووینه جهێ دهستنیشانكری ل هیڤیا كابرای.. ئهز و چهند پهنابهرهكێن دی، مشهكل ئالۆز بۆین..كورد، عهرهب، ئهفغانی، ئیرانی، ئهلبانی، ئهفریقی.. وهكی پهزێ سپی ئهم ههمی ل هیڤیا كابرایێ خۆبهخش بووین دا خانیان بۆ مه ببینیت..مه چ دیت؟ مه هند دیت كابرایهك ب ژۆر كهت و ب گهرمی چو بهرپرسێ مه یێ سوسیالێ (بێی ماچ.. زهلام ل ڤێره زهلامی ماچی بكهت، قبحهته و هێشتا ئهم خوه ل ڤارا ژی ئێكودو ماچی دكهین!!!) و الله چوو دهستی و هاته دهف مه ل گهل وی و گۆته مه ئهڤه ژی مسیۆ فلان كورێ علانی یه و زۆر سوپاس بۆ وی كو ئهڤرۆ وهختێ خوه یێ بۆ ههوه تهرخانكری.. ڤێجا فلان كورێ علانی چ كهس و چ شهخسیته!!! شۆرتهكی ل پێی و ژ بریا حهتا پهحینا پێی ههمی دهقه و شهش حهفت گوهارێن بگوهێن وی ڤه و دو خزێم یێ ب دفنا وی ڤه ل گهل واشرهكی دئێخنه بن برغیایا ب لێڤا وی ڤه!!!! برایێ وه ژی ئهزمانێ وی ژ رێیا د ناڤبهرا دهۆك و ههڤلێرێ مهترسیدار تره.. من دبن لێڤا را گۆته ههڤالێن خوه: و الله پا ئهم چووینه د خانیان ڤه ب هیڤیا ڤی لاحۆگی ڤه و ئێكسهر من گۆتێ برا تو ب ڤی سهروبهری ڤه د گهل مه بهێی ههما ئهسلهن كهس ئیحتراما ته ناگریت، ڤێجا دێ چاوا خانیا دهنهمه؟ ئینا كابرای ب ئێك پهیڤ ئهز مسمت كرم و گۆته من ته مافێ ههمی تشتان یێ ههی، لێ ته مافێ هندێ نینه مایێ خوه د كهساتیا من و سهر و بهر من و ژیانا من دا بكهی!! منژی نهگۆتێ پا و الله ل وهلاتێ من مهلا و سهیدا و مدیر و مام و خال و ژنخال و بهرپرسێ منێ حزبی و رهجۆیێ حهمال و شینۆیێ قهساب ههمیان ماف ددا خوه مایێ خوه د ژیانا من دا بكهن!!! دهرسا دی یا ژ خودانێ دهقا فێر بوویم ئهڤهیه..ته مافێ ههی مایێ خوه د بابهتێن گشتی دا بكهی، لێ ته ماف نینه مایێ خوه د كهساتی و تایبهتمهندی و ژیانا كهسێ دا بكهی.. ل ههوه نا ڤهشێرم… خودانێ دهقا و گوهاركا ئهز پیش رهزیل كرم!!.
