ئهم و ئهو ژ تهسا خهریب بووین!؟
یا ئاشكرایه كو ههر باژێرهك یان وهلاتهكێ ل سهر رویێ ڤی عهردی یێ ب تشتهكی بهرنیاسه، بۆ نموونه پاریس ب بورجێ ئیڤل و لندن ب سهعهتا خوه و دوبهی ب بورج خهلیفه و هۆلهندا ب گولا و ئهلمانیا ب مارسدسا و سۆیسرا ب شوكولاتا ووو.. هتد..باشهكی دزانیت ئهم ل ههرێما كوردستانێ ب چ دنیاسیارین؟ ئهز دێ بێژمه ههوه.. تشتێ ههره مهزنێ ئهم پێ ناسیار تهسێن جادا نه.. كهس خوه تووڕه نه كهت، ئهڤهراستیه..بۆچى؟ دێ باوهر كهن كو گهلهك جاران دهمێ ئهم وهكو كوردێن ل غهریبی و غوربهتا دروونشتین و ههلبهت سوحبهتێن مه ژی ههمی سیاسی بوون، چونكی كهس ژ مه كوردان سیاسهتمهدارتر نینه و نابن ژی بۆ زانین، دهمێ ئهم گهلهك گهرم دبووین دا ئێك ژ ههڤالان ئهوێن حهز ژ ڤان جۆره سوحبهتان نهكهن، دهستێ خوه بلند كهت و بێژیت ههكه دێ ههر ڤان سوحبهتان كهن ئهز دێ رابم چم!! مه ژی دگۆتێ بابۆ كا تو نهچه دێ سوحبهتێ گوهۆرین ودا داخوازێ ژێ كهین كا بهحسێ چ بكهین؟ دا بێژیت بهحسێ شارعا بكهن؟ تهسا بكهن.. و دهمی ناڤێ تهسا دهات، هندهكا ئاخین د داعویران و دا بێژنێ مالا ته، ته دلێ مه كوزراند، چونكی ب راستی ئهز گهلهكێ ژ تهسا خهریب بوویم!! ڤێجا دا سوحبهت بیته سوحبهتا تهسا و خۆزیێن وی یێ تهسه، تهسهل دهۆكێ یان زاخۆ یان سێمێلێ نیاسیبان. سوحبهت بهس بۆ وی دمێ، چونكی دهمی دئاخفت مه یێن دی دهڤێ خوه بهش دكر و گوهێن خوه بهل دكرن، هندی جامێری ناڤێ تهسا دگۆتن و كا ل كیڤهنه و چاوا بوویه تهسه!!، خهبیره بابۆ والله خهبیره.. ئێك ژ وان خهبیران رۆژهكێ بهحسێ تهسهكێ كر و گۆت كو حوكمهتا ههرێما كوردستانێ ب ههمی هێز و شیانێن خوه هاته مهیدانێ دا وێ تهسێ نههێلیت؟ لێ تهسه ژ وان ههمی هێز و شیانان مهزنتر بوو (وهكو رێیا نوكه د ناڤبهرا دهۆك و ههڤلێرێ)، هندی حوكمهتێ ههول ددان كو چێ كهن دا نهمینیت، لێ ئهو تهسه زۆرا عهسلی بوو، چونكی پشتی ههولێن حوكمهتێ ب حهفتیهكێ دا جارهكا دی سلاڤان ل شۆفێرێن ترومبێلان كهت!! چاوا؟ ڤێجا ئهز ب خوه وێ بهرسڤێ نزانم چونكی ئهو ژ ئهسرارێن قهومیێن وێ تهسێ نه و كهسێ ماف نینه پسیارا هندێ ژێ بكهت..
وهلحاسل وهلحێسیل.. ل دووماهیێ و چونكی رۆژا مه ههمی ب سوحبهتا شرینا تهسا ڤه بۆری، دووماهی پهیڤا مه ههمیان دا ئهڤه بیت (و الله ئهم یێ ژ تهسا خهریب بووین) و ل ههوه ناڤهشێرم كو ب راستی ژی ئهم یێ ژ تهسا خهریب بووین و نیڤهكا رهڤهندا كورد ئهوێن سهرهدانا كوردستانێ دكهن نه یا ژ ههوه ڤه ژ بهر بهصما بایۆمهتریه؟ نه خێر چونكی ههردهم هوون هزرێن شاش ژ كوردێن خارج دكهن.. باوهر بكهن سێچارێكێن وان دهێنه كوردستانێ، دا حهفت مترا بلند بن و ژۆر دا ب عهردی بكهڤن ژ بهر تهسا.. ئهی ههوار ما ژ هندێ خۆشتر ههیه؟ نێ ئهم یێ ل ئهورۆپا پارا ددهین دا حهفت مترا بلند ببین و یا ههوه ههرۆیه و ب بهلاش!!! هوون خوه ژ تشتهكی درازی نینن!!! ئااااخ تهسه..پا ئهمێ ژ تهخهریب بووین.. لهوما ئهم ل ڤێره داخوازێ ژ حوكمهتا ههرێما كوردستانێ دكهین كو دهولهت سهرێ خوه وان تهسا بهێلیت و چێنه كهت، ژ بهر كو یێن بووینه پشكهك ژ ژیانا مه. مخابن یا ژ هندهكا ڤه كو حوكمهت نهشێت وان تهسا نههێلیت؟ نهخێر هوون د شاشن بهرێزان.. یێن هێلاین چونكی بوونه پشكهك ژ كلتۆرێ مه كوردان.. خوزیكێت وان یێن تهسه ههیین.. ئهڤه 17 سالن من ب خوه نه دیتینه ل سۆیسرا..
