ئه‌م چاوا د داشكاندنێ دا دگه‌هین؟
بده‌ركه‌فتنا كۆمپانیێن جۆرا وجۆر و په‌یدابوونا ركابه‌ریه‌كا ب هێز بۆ به‌رفره‌هكرنا بازاران, ئه‌ڤ په‌یڤه ل ڤێ داویێ گه‌له‌ك یا به‌ربه‌لاڤبووی و ل پێشچاڤێن مه دكه‌ڤیت ب جامخانه و پێشه‌هیا پیشانگه‌ه و كۆمپانیان و ب ریێا ریكلام و گه‌له‌ك رێیێن دیتر، تایبه‌ت ل دووماهیا وه‌رزان، پرانیا جاران د ژێكجودانه و هه‌ر ئێك ل دووڤ دلێ خوه داشكاندنا ددانیت لێ هه‌تا نوكه ئه‌م نزانین كاچه‌ند جۆرێن داشكاندنان هه‌نه؟ بۆچی دئێنه دانان؟ و مفا ژدانانا داشكاندنا چیه؟ ب تنێ ده‌مێ ئه‌م دبینین هۆسا خوه ل هزرا مه‌دده‌ت كو ئه‌ڤ پیشانگه‌هه یان كۆمپانیه یا به‌رهه‌ڤه خوه خساره‌ت بكه‌ت ب تنێ دا تشتێ وان بهێنه فرۆتن؟ به‌لێ ئه‌ڤ هزره زۆر یا شاشه چونكی ئه‌و كاله ل ده‌سپێكا وه‌رزی ئه‌رزانتره ژ ده‌مێ داشكاندنان دئێخنه سه‌ر و دگه‌ل دانانا داشكاندنا چو كێمكرنه‌ك ناكه‌ڤیته سه‌ر, دشێن بێژین تشتێ مه هه‌می ل ده‌رڤه دئێن و بها دئێنه ده‌ستنیشانكرن ب گویره‌ی بهایێ وان ماددان ئه‌وێن دئێنه بكارئینان دچێكرنا وێ كالێ (كه‌ل و په‌لا) وسه‌ره‌رای وێ چه‌ندێ ل ڤێره بهایێ ڤه‌گوهاستنا بازرگانی ژی ل سه‌ر دئێنه هه‌ژمارتن, داشكاندن دئێنه نیاسین كێمكرنا بهایێ كه‌لوپه‌لانه ل پێش چاڤێن بكڕی و كێمكرنا وان كه‌لوپه‌لێن فرۆتی یه ل پێش چاڤێن فرۆشیاری و ل دووڤ ڤێ پێناسێ كریاره‌كا بازرگانیه گرێدای هنده‌ك رێنمایێن ژمیریاریه كارتێكرنێ ل فرۆشیار و بكڕی دكه‌ت لهه‌مان ده‌می. به‌لاڤترین جۆرێن داشكاندنان پێكدئێن ژ (داشكاندنا بازرگانی ـ داشكاندنا چه‌نداتیێ ـ داشكاندنا دراڤی) و هه‌ر ئێك كاره‌كێ جوداتر ژیێ دیتر دكه‌ت, داشكاندنا بازرگانی ئه‌ڤ جۆره به‌هرا پتر كۆمپانیێن پیشه‌سازی بكاردئینن ب تایبه‌تی ده‌مێ لیسته‌كێ ب بهایێن خوه به‌رهه‌ڤ دكه‌ت بۆ (بكڕێن ب كۆم) و بهاییان تێدا دیاردكه‌ت و كێمكرنێ ددانیته سه‌ر بهایێن خوه یێن كه‌ڤن به‌راوورد دگه‌ل یێن نوو، لێ ب رێژه‌كا گونجایه زۆر جاران ژ 20%نابۆریت. داشكاندنا چه‌نداتیێ وه‌كی ژ ناڤێ وێ دیاره گرێدای ب چه‌نداتیێ ڤه هه‌یه ده‌می دئێنه دانان ئێكی بكڕی ئێك دیاریه ئانكو ئه‌ڤێ په‌یوه‌ندی ب دراڤی ڤه نینه یان جاران ئه‌و كۆمپانیێن ب ده‌ین كاری د گه‌ل بكڕێن خوه دكه‌ت ده‌مه‌كێ دیاركری بۆ بكڕان ددانیت وه‌كی د ده‌مه‌كێ دیاركریدا ده‌ینێن خوه دده‌ن دێ رێژه‌كێ بۆ كێم كه‌ت ژ بهای جۆرێ سیێ داشكاندنا دراڤیه كو نها ل بازارێن مه یا به‌لاڤه ده‌مێ رێژه‌كا سه‌دی (%) ژ بهایێ ئێكسه‌ر دئێنه برین و ب رێژێن جودا و مه‌ره‌م ب شێوه‌یه‌كێ گشتی ژ داشكاندنا ئه‌وه كۆمپانی و پێشانگه‌ه و جهێن فرۆتنێ بكرێن خوه ژ ده‌ست نه‌ده‌ت یان داكو بشێن د بازاریدا هه‌ڤڕكیێ بكه‌ت، پێخه‌مه‌ت مه‌زنترین فایده بگه‌هیتێ یا ژ هه‌میان گرنگتر نه‌هێلانا به‌رهه‌مێن كه‌ڤنه ژبه‌ر كو سال بۆ سالێ به‌رهه‌مێن نوو په‌یدا دبن و بكڕی چاڤ ل نوویاتیایه بده‌ستخوه‌ڤه بینیت لێ یا سه‌یر پرانیا جاران پشتی بكڕ لێ نێرینێ ل وان داشكاندنا دكه‌ت هه‌ست ب خاپاندنێ دكه‌ت، چونكی ئه‌و داشكاندن داشكاندنێن ئاشۆپینه ل ده‌ستپێكا وه‌رزی ب بهایه‌كی دهێنه فرۆتن ئه‌رزانتر ژ وی یێ داشكاندن كه‌فتیه سه‌ر ئانكو ئه‌و بهایێ داشكاندن دانایه سه‌ر ژ وی مه‌زنتره یێ به‌راهیێ پێ دهاتنه فرۆتن و چ كێمكرنه‌كا راست و دروست ناهێنه كرن, ئه‌ڤه هه‌می دئێنه پێش ژ ئه‌نجامێ نه‌بوونا چاڤدێریه‌كا ئێكسه‌را بازرگانیه یا كو بشێن دروست مافێن به‌كاربه‌ری بپاریزیت و چاڤدێریه‌كا گونجای بێخیته سه‌ر بازاری نه هه‌ر ئێك ب دلێ خوه و بێ بنه‌ما و رێنما داشكاندن و كێمكرنا فرۆتنێ ب دلێ خوه بفرۆشیت.
