ئه‌نجامدانا هەڤژینییێ د خه‌وێ دا چو واتایێ ددەت؟
ئەڤرۆ نیوز:
گەلەک ژ مه د ژیانا خوە دا هه‌ر چو نه‌بیت چه‌ند جاران خه‌ونان دبینین و ب تایبەتی هندەک ژ گه‌نجان د خه‌وا خوە دا خه‌ونێ ب هەڤژینیێ ڤە دبینن، ئەرێ ئه‌ڤ جۆرێ خه‌وێ واتایا وێ چییه؟.
لدووڤ لێکدانا شاره‌زایێن خه‌وێ و ده‌رونناسیێ، دبیت ڤی جۆرێ خه‌وێ ئه‌ڤ واتایە هه‌بیت: -
. هندەک ژ شارەزایێن وارێ دەروونی و شرۆڤەکارێن خەونان دیاردکەن، کو دیتنا ڤان خەونان ژ لایێ كچان ڤە واتایا هندێ دبەخشیت، رەنگە وێ كچێ حەزا هندێ هەبیت کو هەڤژینیێ بکەت و ئەڤ بابەتە د خەیالا وێ دا بیت.
. هەکە كچەکێ د خەونێدا دیت، کو هەڤژینی كریە ئەڤە مانا هندێ ددەت، کو رەنگە د ئایندەکێ نێزیكدا دێ خێر و خۆشی بۆ وێ هێن ل سەر ئاستێ پەیوەندیێن سۆزداریێ دا.
. هندەک جارا ئەو كچا د خەونا خوەدا ببینیت کو هەڤژینی پێکئینایە، رەنگە پلە و جهێ وێ دناڤ جڤاکی دا بلند ببیت و ببیتە كەسەکا ناڤدار.
. دهێته گوتن ئەو كچا د خەوێدا ببینیت، کو جلێن بووکانیێ ل بەرخوە کرینە و لبەرکرنا وان جلکان دلخۆش بیت، دێ خێر و خۆشی د ژیانا وێدا پەیدا بن، لێ هەکە ب پۆشینا وان جلکان بێزار بیت و دلێ وێ نەخۆش بیت، رەنگە ئەو دوچاری كێشە و گرفتان ببیت.
. هەڤژینیکرنا كچێ د خەوێدا ب واتایا گوهۆرینان دهێت، كو دێ د ژیانا وێدا روو دەن و دێ چیتە د قۆناغەکا دیتر دا.
