ئه‌نجلينا جۆلى دێ ژ براد بێت جودا بيت
ئه‌ڤرۆ نيوز، فاتما مزوورى:
پارێزه‌رێ ئه‌كته‌را ب ناڤ و ده‌نگا هۆليودێ ئه‌نجلينا جۆلى راگه‌هاند كو ئه‌وێ داخوازا به‌ردانێ ژ هه‌ڤژينێ خوه يێ ئه‌كته‌ر براد بێت كريه كو ئه‌ڤه ب هێزترين په‌يوه‌نديا ئه‌ڤينيێ بوو د ناڤبه‌را هه‌ڤژينێن هۆليۆدێ دا.
پارێزه‌رێ وێ رۆبرت ئوفر د به‌ياننامه‌كێ دا راگه‌هاند: “ئه‌ڤ بڕياره ژ بوو به‌رژه‌وه‌نديا خێزانێ هاتيه دان، چو كۆمێنت ل سه‌ر نينن.. دخوازيت د ڤى ده‌مى دا رێز ل تايبه‌تمه‌نديا خێزانێ بهێته گرتن”.
به‌لگه‌يێن دادگه‌هێ وه‌سان دده‌نه دياركرن كو جولى يا خودانا خه‌لاتێ ئوسكارێ داخوازا جودابوونێ ل دادگه‌ها لوس ئه‌نجلوس كريه و بۆ هنده‌ك ئه‌گه‌ران د ڤه‌گه‌رينيت كو نه‌شێت چاره بكه‌ت.
جوليێ داخوازا چاڤدێريا ته‌مام بۆ هه‌ر شه‌ش زارۆيێن خوه يێن د ناڤبه‌را هه‌شت بۆ 15 ساليێ دا كريه ل گه‌ل رێ دان ب براد بێت كو وان ببينيت و ئه‌نجلينا جۆلى دبێژيت: “ژ 15ى ڤێ هه‌يڤێ وه‌ره ئه‌م يێن ژێك جودا بووين”.
براد بێت د به‌ياننامه‌كێ دا بۆ رۆژناما “بيبول” راگه‌هاند كو ئه‌و هه‌ست ب مخابنيه‌كا زۆر دكه‌ت، به‌لێ يا گرنگ ل ده‌ف وى ژيانا زارۆيێن وانه. هيڤى ژى ژ ده‌زگه‌هێن راگه‌هاندنێ خواست كو ئه‌و وێ ده‌ليڤا ژ هه‌ژى وان بده‌نێ د ڤى ماوێ ب زه‌حمه‌ت دا.
ئه‌نجلينا جۆلى ل سالا 2014ێ ژيانا هه‌ڤژينێ ل گه‌ل براد بێت پێك ئينايه پشتى هه‌ڤالينيه‌كا 10 سالا ڤه‌كێشاى.