ئه‌نجلینا جۆلى دەست ژ چێکرنا فلمان بەردا
ئەڤرۆ نیۆز،زنار تۆڤی:
ئه‌كته‌ر و ده‌رهێنه‌را ئه‌مریكی (ئه‌نجلینا جۆلى) ب مەرەما هندێ کو ببیتە دایكەکا نموونه‌یی و دەمێن خوە بۆ زارۆیان و فێربوونا چێکرنا خوارنێ و گرنگیێ ب كارێ مالێ بدەت، دەست ژ كارێ هونه‌رى و چێکرنا فلمان بەردا.
د دیدارەكێدا ل گه‌ل گۆڤارا (ڤانیتی فایه‌ر) یا ئه‌مریكی، ئه‌نجلینا جۆلى دیارکریە:پشتی جۆدابوونا من ژ براد بیتی كو دێ ل هەیڤا ئیلۆنا داهاتی بیت،دێ ژیانا خوە ته‌رخان‌كه‌م بۆ زارۆیێن خوە و ساخلەمیا خوە.
هەروەسا گۆتیە:د راستیدا هه‌ست د‌كه‌م کو دێ ژنەكا باشتربم، چونكی دێ ب ژیری تشتان ده‌ستنیشان كه‌م، دێ خێزانا خوە ئێخمە سه‌ر هه‌موو تشتان،دیسا من كۆنترۆلا ژیان و ساخلەمیا خوە ژی کریە.
ئەو ژی گۆتیە،کو ژلایێ دادگەهێ ڤە ب خۆدانکرنا هەر شەش زارۆیێن خوە من وەرگرتیه و ئەز چاڤەرێی ئێکلابوونا دۆسیا دادگەهێ مە.
ئه‌و هونه‌رمه‌ندا ئه‌مریكی یا ته‌مه‌ن 42 سالی گۆتیە ژی:ل سه‌ر داخوازا زارۆیێن خوە،من خوە فێری چێکرنا خوارنێ کریە،هەروەسا ل دەمێ ئێڤاران د‌چم بۆ هندێ کو بنڤم،پرسیار د‌كه‌م،ئەرێ ئه‌ڤرۆ وه‌كو دایكەكێ من كارەكێ مه‌زن کریە،یان ژی رۆژەکا ئاسایی بوو؟.
