ئه‌ندامه‌كێ جڤاتا نوونه‌ران هۆشداریا ژناڤچوونا ده‌وله‌تا ئیراقێ دان
ئه‌ڤرۆ نیوز:
ئه‌ندامه‌كێ لژنه‌یا دارایی یا ئیراقێ هۆشداریێن ژناڤچوونا ده‌وله‌ت و ئابوورییا ئیراقێ دان هه‌كه ل سه‌ر قه‌رزكرنێبه‌رده‌وامبیت.
عه‌بدولهادی سه‌عداوی، ئه‌ندامێ لژنه‌یا دارایی ل په‌رله‌مانێ ئیراقێ بۆ مه‌دیایێن وه‌لاتێ خوه راگه‌هاند؛ ده‌مه‌كێ كێم مایه ئه‌ڤساله ب داوى بهێت، لێ تا نها حكومه‌تا ئیراقێ پرۆژه‌قانوونا بودجه‌یا گشتی یا ئیراقێ بۆ سالا 2021 نه‌هنارتییه په‌رله‌مانێ و چه‌ند دره‌نگتر بگه‌هینیت زیانێن مه‌زنتر یێن دارایی دێ گه‌هن حكومه‌تێ.
سه‌عداویهۆشداری ژی دان، ل گۆره‌ى پیڤه‌رێن سندۆق و بانكا نێڤده‌وله‌تی، هه‌كه حكومه‌تا ئیراقێ د سالا بهێت ژی دا به‌رده‌وام بیت ل سه‌ر قه‌رز وه‌رگرتن بۆ پركرنا كورتهێنانا دارایی، ده‌وله‌تا ئیراقێ دێ تووشی ژناڤچوونێ بیت.
ئه‌ندامێ لژنه‌یا دارایی دیار ژی كر، ئیراق دزانیت وه‌لاتێ وان ل شوونا قه‌رز وه‌رگرتن و كورتهێنانا دارایی، دكاریت ب هنده‌ك ژێده‌رێن دی یێن داهاتی قه‌یرانێ چاره بكه‌ت.
