ئه‌نشلوتى چوو و سێ به‌ربژێر هاتينه سه‌ر خه‌ت
ئه‌ڤرۆ نيوز:
ب گۆره‌يى تله‌ڤزيۆنا كدينا كۆبى ريال مه‌دريد دێ د حه‌فتيا بهێت دا ب فه‌رمى ده‌ست ژ كاركێشانا كارلۆ ئه‌نشلۆتى راگه‌هينيت و دووماهى وێستگه‌هێ راهێنه‌رێ ئيتالى ل گه‌ل تيمێ دێ ل رۆژا شه‌مبى بيت ل ده‌مێ خيتافى مێڤان دكه‌ت و ژ ئه‌گه‌رێ راوه‌ستاندنێ د ناڤ ياريگه‌هێ ژى دا نابيت.
دايه زانين كو ريال مه‌دريد هه‌موو پارێ وى ژى ل وه‌رزێ وى يێ دووماهيێ ناده‌تێ ئه‌وێ د گرێبه‌ستێ دا هاتيه دياركرن، د سه‌ر ڤێ چه‌ندێ ژى ريال مه‌دريد ل دووڤ راهێنه‌ره‌كێ خودان شاره‌زايه‌كا مه‌زن دگه‌ريێن دا ئه‌ركێ راهێنه‌ريا تيمێ بده‌ته ده‌ستى.
نوكه ب هێزترين به‌ربژێر بۆ ڤى پۆستى راهێنه‌رێ نوكه يێ يانا ناپۆلى يا ئيتالى، يێ ئسپانى راڤايێل بينيتێزه و ديسا هه‌ر ئێك ژ يواكيم لۆف راهێنه‌رێ هه‌لبژارتيێ ئه‌لمانيا و يورگن كلوپ راهێنه‌رێ برۆسيا دۆرتموند د به‌ربژێرن بۆ ڤى پۆستى.