ئهنفال بهرههمێ عهقلێ دهستههلاتدارێن عهرهبى و ئیسلامى بوو
رمهزان نسرهدین كێڤلى
ئێك ژ مهزنترین تاوانێن دژى مرۆڤایهتى ل چهرخێ بیستێ هاتین ئهنجامدان، تاوانا قركرن و بنبركرنا مللهتێ كورد بوویه ب بهرنامه, د ههموو وان ئهدبیاتێن سیاسى دا ب گۆر شرۆڤهكرنا وان دهق و قانوون و رێسایێن نیڤدهولهتى، چو گومانهك نینه كو ئهڤ تاوانه جینۆسایده، چونكو ئهو خالێن ل رێكهفتنا سالا 1948 هاتینه ئیمزاكرن ههموو دهێنه جێبهجێكرن ل سهر ڤێ تاوانا نه مرۆڤایهتى ژ لایهنێ مرۆڤێن خوین مێژڤه ..
بزاڤا رزگاریخوازا كوردى ل وى سهردهمى د قووناغا چهنكى دا ژبۆ ئازادیا گهلێ كورد د عیراقێ دا, پشتى رێكهفتنا (11ئادارێ) ژیانهك تازه ل كوردستانێ دهستپێكر، بهلێ ب داخڤه هیڤیێن گهنى یێن رژێمێن وى سهردهمى ل هندێ نهراوهستیان كو ژیانا سیاسى و دیمۆكراسى ل عیراقێ بهێز بكهفت، بهلێ ئهڤ رێكهفتنه كرنه پرهك بۆ بهێزبوونا خوه ههتاكو بشێن ل قووناغێن دووڤ دا مللهتێ كورد قربربكهن و جینۆساید بكهن ههردهمێ خواندنهك بۆ داخوازێن مللهتێ كورد بهێتهكرن ل ههموو قووناغێن مێژوویێ دا، ئهو داخوازێن فى مللهتى ههموو ب گۆر قانوونێن نێڤدهولهتى د گونجایێ نه، بهلێ چونكو جڤاكێ نێڤدهولهتى بهردهوام د ناكۆكیان دایه، ل سهر دهمێ دورستبووونا نهتهوهیێن ئێكگرتى و راگههاندنا جارناما مافێ مرۆڤى مهزنترین تاوان دژى مرۆڤایهتى هاتینه ئهنجامدان و خالا ژ ههمیێ مهزنتر جڤاكى نیف دهولهتى ل خهوهكا گران دابوویه. دو جهمسهرایێ هێزێ و لاوازیا رۆلێ وهلاتێن ئهقلیمى ل وى سهردهمى و نهمانا وژدانێ ل ناڤا دهستههلاتدارێن وى سهردهمى ئهڤ تاوانه ب چاڤكێن كامیرێن وانژى هاتینه وێنهكرن و ههر جڤاكى نیڤدهولهتى بێدهنگ مایه.
گومان تێدا نینه ژ ههموو لایهكێ ڤه ههكه خواندن بۆ ڤان جۆره تاوانان بهێتهكرن ئهڤ تاوانه گرێدایێ پرۆسهكا عهقلینه كو مرۆڤ پێشدهم بهرنامه و پلانێ بۆ دادرێژیت ئهو دهستكهفتێن مرۆڤێن نهشێت بدهستڤه بینیت، گهلهك جاران پهنایێ دبیته ل بهر تاوانهك مهزن ههتاكو ئارمانجێن خوه جێ بهجێ بكهت ب دیتنا من یێ تاوان ئهنجامداین و یێ ل سهر تاوانان بێدهنگ بووین ههڤپشك بووینه ل ڤێ تاوانێ دا و ههكه ژى دیاره، چونكو زۆرینا وهلاتێن دهڤهرێ ئهندامێن ل نهتهوهیێن ئێكگرتى دا و بێدهنگبوونا جڤاكێ نێڤدهولهتى، دانا شهرعیهتێ بوویه بۆ رژێما گۆر بهگۆرا عیراقێ و ل وى دهمى گهلهك ژ وهلاتێن دهڤهرێ ههبووینه هاریكاریا رژێما عیراقێ كرینه و گهلهك بزاڤێن ئیسلامى ژى ههبووینه پشتهڤانى ل كارێن ئهڤێ رژێمێ دكرن. ئهڤرۆ ژى دهلیڤه ههبیت بۆ رژێمێن دهڤهرێ دێ دوباره ئهڤى مللهتى ئهنفالكرن ههر وهكو ل عهفرینێ و شنكالێ و كهركووكێ و دیاربهكر و گهلهك جهێن دى ب شێوهكێ دى ئهڤ مللهته دهێته ئهنفالكرن.
لێ خالا بهخترهشیا كوردان مه نهشیایه ئهنفالێ بكهن وهرچهرخانهك كو ببته خالا هێزا رێكهفتنا مه ئێكرێزیا مللهتێ مه, كا چهند دوژمن مه ئهنفال دكت، مهژى ل بهرامبهرى وێ دوژمنكاریهك بێ هۆكار ل ناڤبهرا خوهدا دورستكریه ب شێوهیێن جودا جودا.
بلا ئهنفال ببت وانهك نهب تنێ ئهم بۆ بیرئانینانا ئازارێن ئهنفالێ بكاربینن، بهلكو ئهنفالێ بكهن وهسیقهكا شهرڤێ كو ئێدى خوینا كوردان ب دهستى كوردان نههێت ریتن و ئهم روحا ئهنفالبوویا بكهن هێڤینێ برایهتى و لێبۆرینێ. د بیرهاتنا دا ئهنفالان دا سلاڤ بۆ روحا وان كهسێن مرنا خوه دیتین و هێشتا د زیندى.
