ئه‌وى وه‌لاتى بنياسه يێ پێكئينانا خێزانێ ژبيركرى
ئه‌ڤرۆ نيوز، فاتما مزوورى:
ئه‌رێ تو دزانى سێ چارێكێن زارۆيێن ئايسله‌ندا ژ دايك و بابه‌كان دبن كو خێزان پێك نه‌ئينايه؟ 67% ژ زارۆيێن ل وى وه‌لاتى ژ دايك دبن، ژ ده‌رڤه‌ى سنورێ هه‌ڤژينێ دانه.
هه‌ر چه‌نده ژمارا وه‌لاتيێن ئايسله‌ندا يێ كێمه، به‌لێ هزره‌كا نوو ل لايێ وان ديار بوويه كو ئه‌و ژى هه‌ڤژينى و ئه‌و بووچوونه گوهۆڕيه ئه‌وا ژيان ل سه‌ر راهاتى.
برينس ئه‌سمونوتير ژنه‌كا ئايسله‌ندى يه و دايكا سێ زارۆيانه ژ دو كه‌سێن جودا و هه‌ڤژينى ل گه‌ل چو ژ وان پێك نه‌ئينايه، دبێژيت: “ل ئايسله‌ندا ل ژينگه‌هه‌كا بچووك و ئارام دژين، ئافره‌تان ژى ئازاديه‌كا زۆر يا هه‌ى و دشێت وى شێوازێ ژيانێ هه‌لبژێريت يێ وێ بڤێت”.
