ئه‌وێن ترۆمبێلێن گێر ئۆتۆماتیك هه‌ین،ئەڤان خالان ل به‌رچاڤ وەربگرن
ئەڤرۆ نیۆز ، زنار تۆڤی:
هاژۆتنا ترۆمبێلا گێر ئۆتۆماتیك گەلەک یا ب ساناهیە و شۆفێری ماندی ناكەت، بەلێ ل بەرچاڤ ورگرتنا ڤان خالێن ل خوارێ دێ ترۆمبێلا تە بۆ ماوەیەكێ زێدەتر یا پاراستی بیت.
– ل دەمێ راوەستیانێدا، هەند برێكی راكێشە، بەلێ گەلەک توندیێ لێ نەکە، چونکی ل دەمێ دانانێدا،دێ یێ ب زەحمەت بیت.
_ هێدی ستۆپی ب كاربینە بۆ راوەستاندنا ترۆمبێلێ،نەكو گێری ب گوهۆری یان ژی هەندی برێكی رابکێشی.
– ل دەمێ راوەستاندنێدا، گێری بێخە سەر “N” و برێكی راكێشە، نەكو ستۆپ بكەی یان ل سەر “D” بهێلی.
– هشیار بە هەتا ترۆمبێلێ ب تەمامی رانەوەستینی، گێری نە گوهۆری بۆ “P” چونكی دێ زیانەکا مەزن گەهینییە ترۆمبێلێ.
– پێدڤیە تە هزر ل سەر گۆهۆرینا دوهنێ هایدرۆلیكێ گێری هەبیت، پێدڤیە 150 هزار كم زێدەتر ل سەر نەچی و زوو فەحس بكەی، نەكو كێم بكەت.
– چ جارا ڤێ خەلەتیێ نەکە، ل دەمێ چوونێ گێری ژ “D” ب گوهۆری بۆ “R” چونكی ئەڤە دێ ژیێ گێری كورت کەت.
– هەکە لەزاتیا ترۆمبێلا تە ژ 20 كم زێدەتر بیت، چ جارا هزر ل هندێ نەکە كو گێری ژ “N” ب گوهۆری بۆ “D” یان بەرۆڤاژی، چونكی دێ هێدێ هێدی گێرێ ترۆمبێلاتە خراب کەت.
– دەمێ گێرێ ترۆمبێلاتە ل سەر “N” بیت پێ ل سلێكتەرێ بانزینێدا نەکە،پاشی گێری بکەیە “D” بۆ هندێ کو ترۆمبێلاتە ب لەز دەست لڤینێ بکەت، چونكی ئەڤە زۆر یا خرابە، هەم بۆ گێری و هەم ژی بۆ ماكینێ.
– كارەکێ باش نینە هەکە تە ترۆمبێلا خۆ بۆ 10 چركان زێدەتر راگرت و گێر ل سەر “D” هێلا،لەورا باشترە گێری بکەیە “N” هەند برێكێ راكێشی.
دەستا ژ هندێ بەردە،هەکە تە ترۆمبێلا خۆ راوەستاند و ب لەز گێری نەکەیە “P” ب تایبەتی ل دەمێ راوەستیانێ ل ترافیك لایتێدا.
