ئه‌وێن ل ڤێرێ ماین
هه‌لبه‌ستا : كازم ئه‌لحه‌جاج
وه‌رگێران : حه‌سه‌نێ سلێڤانه‌یی
ئه‌وه ئه‌م بووین
ئه‌ور، چاڤ بوون
ب گڕنژین
لسه‌ر بیستانی دگرین..
هه‌تا هه‌لالێن گولا سپی دبوون
– مینا ددانێن زه‌رییان –
و ریحان كه‌سك دبوون.
*
ئه‌وه ئه‌م بووین
– بابكێن – مه ل ڤێرێ خوداوه‌ندێن بچووكتر بوون ل سه‌ر ئه‌ردی
و نێزیكی رووباران..
مه‌به‌ستا من رووبارن!
– – –
و بابێ من ، وه‌كی ئه‌وری یه
لێ چو جاران ناگریت،
به‌لێ خویه ددت..
هه‌تا سفرێن مه كه‌سك دبن.
* *
و ده‌مێ بابێ من نڤێژ دكر
ده‌رگه‌ه دگرت! تو دزانی چما؟
دا ئه‌م به‌ژنا وی یاهه‌رده‌م بلند ، ده‌مێ ب ئه‌ردی دكه‌ڤت،
نه‌بینین!
نه‌گری!
به‌سه نوكه نه‌گری..!
هێشتا ئه‌م نه‌ڤی یێن زه‌قووراتێن پێشینین.
هێشتا ئه‌م باپیرێن گه‌نجانه..
مه‌به‌ستا من ئه‌و گه‌نجێن ژ مه‌یدانان دهێن
و ئه‌و گه‌نجێن قه‌ستا مه‌یدانان دكن.
نه‌گری!
نه‌گری!
هه‌می یێن ل ڤێری ماین و ئه‌ز،
دێ نوكه ده‌رگه‌هان گرین ئه‌گه‌ر مه نڤێژ كر .
تو دزانی چما؟
دا كو ئه‌و گه‌نجێن دچن مه‌یدانان
و ئه‌و گه‌نجێن دهێن ژ مه‌یدانان
مه نه بینن.
چه‌ند ئه‌م شه‌رم دكین
ژ وانڕا خویا بكین
ئه‌م بابیرێن سه‌ر ب ئه‌ردیڤه نه..
لێ .. بێ ئه‌نی نه!
• ژێده‌ر : گۆڤارا اڵادیب العراقی، ژمارا 28 ، سالا 2021 به غدا .
• كازم ئه‌لحه‌جاج : هه‌لبه‌ستڤانه‌كێ ئیراقی یێ ناڤداره .ل سالا 1942 ل به‌سرا ( ئه‌لهویر ) ژدایكبوویه. ده‌رچوویێ كولیژا شه‌ریعه‌تێ یه ل به‌غدا سالا 1967 .
• ژ دیوانێن وی : أخیرا تحدپ شهریار 1973، ایقاعات بصریه 1987، غزاله الصبا 1999، مالا یشبه اڵاشیا‌و 2005 ، جداریه النهرین 2011 خلاصات السبعین 2019، المدینه والمدفع.
• چار شانۆگه‌ری نڤیسینه. .په‌رتووكه‌ك بناڤێ ( المرأه والجنس بین اڵاساگیر والادیان ) 2002هه‌یه .
