ئه‌و خه‌له‌تیێن ل ده‌مێ راكرنا میكیاژی په‌یدادبن
ئەڤرۆ نیوز:
چ جاران به‌رمایكێن مژوولانكێن خۆ ب تلان ژێڤه‌نه‌كه، ژبه‌ركو ئه‌و دبیته ئه‌گه‌رێ وه‌ریانا مژوولانكێن هوور و ره‌نگه ددووڤدا وه‌رارێ ژی نه‌كه‌ن.
* چ جاران ب دژواری سه‌روچاڤێن خۆ نه‌شوو، به‌لكو ب هێدیانه بشوو و ب خاولیه‌كا نه‌رم و ب شێوه‌یه‌كێ سه‌رخۆ هشك بكه، نه‌كو دێ دێمێ ته پووچ بیت.
* چ جاران میكیاژی نه‌دانه به‌ری هشككرنا پرچێ خۆ، ژ به‌ركو هه‌وایێ گه‌رم شیان هه‌نه پێكهاتێ هنده‌ك كه‌رستێن جوانكاریێ ب گوهۆریت و ره‌نگێ وان ل سه‌ر دێمی تاری بكه‌ت و پاشی ژ ئه‌گه‌رێ خوهدانێ شوونوارێن وان بمینن.
* خۆ ژ میكیاژی كه‌ڤن دوور بكه، باشتره بزانی هه‌ر جوره‌كێ میكیاژی كه‌نگی ته كریه و پشتی بوورینا شه‌ش هه‌یڤان ل سه‌ر كرینا وی باشتره ب كارنه‌ئینی و هنده‌ك ژوان ب تایبه‌ت ئه‌وێن بۆ مژوولانكان دهێنه ب كارئینان دبنه ئه‌گه‌رێ هه‌ستداریا چاڤان، هنده‌ك كریم هه‌نه بۆ ده‌مێ دو سالان ژی دمینن، هه‌روه‌سان پێنوسێن هشك ژی، به‌لێ میكیاژێ ئاڤی پشتی بوورینا 9 هه‌یڤان هشك دبن و هه‌ر ل وی ده‌می سوراڤا لێڤان بۆ ده‌مێ چه‌ند سالان ژی دمینیت، ژبه‌ركو ژ شه‌مایێ هاتیه دروستكرن، كریمێن ئه‌ساسی و پودره بۆ ده‌مێ دو سالان دروست دمینن، باشتره ل ده‌مێ هشك دبن خۆ ژێ قورتال بكه‌ی.
* هه‌موو ده‌مان میكیاژی دووری تیرێژا رۆژێ ب پارێزه داكو ره‌نگێ خۆ ژده‌ست نه‌ده‌ت.
* هه‌رده‌م ئیسفه‌نج و فرچه و پامپیێ بۆ دانانا میكیاژی دهێنه دانان باش بشوو.
* هه‌رده‌مێ ته هه‌ست كر بێهنه‌كا نه‌خۆش یا ژ میكیاژێ ته دهێت، ئێكسه‌ر پاڤێژه.
* ده‌رباره‌ی بوویاغا نینووكان: ره‌نگێن كو د ته‌یسن گه‌له‌ك ڤه‌دكێشن، ژبلی ره‌نگێ سۆر، كو پتر ژ ساله‌كێ ڤه‌ناكێشیت، هه‌كه ته بڤێت بوویاغا نینوكان ڤه‌له‌ك بمینیت، دناڤ سه‌لاجێ دا ب هه‌لگره.
ژێدەر/ نۆش نیوز
